005: MOMMY

UMAGA NA AT INAANTOK pa rin ako! Ano bang pwede kong gawin para makalimutan ko 'yong nakita ko kagabi? Hindi ako makatulog kagabi dahil doon!

Nasa hardin kami ngayon, heto ako tulalang nakatitig sa kawalan habang nagdidilig ng halaman. Wala akong ibang gusto ngayon kundi ang matulog pero may trabaho ako kaya hindi ko 'yon magawa.

Buti pa si Adrianna, maayos ang tulog. Parang hindi nagising kagabi. Lahat ata ng tao dito sa mansyon maayos ang tulog, ako lang ang hindi. Tapos 'yong taong may kasalanan kung bakit hindi ako makatulog ay maayos din ang tulog.

I feel so miserable..

Huminga ako ng malalim saka itinapat ang hose sa ibang halaman para madiligan ang mga ito. Marami pa akong gagawin ngayon pero mukhang iba ang tatapos dahil inaantok na talaga ako.

"TATIANA!!"

Agad akong napaharap sa taong tumawag sa akin pero umatras ito nang maitapat ko ang hose sa kanya. Buti na lang at hindi ko ito nabasa. Tinupi ko ang hose saka tumingin sa kanya.

"Ano 'yon, ate Mirna?" tanong ko.

May pag-aalala sa mukha ito, "Kanina pa kita tinatawag pero hindi ka sumasagot. Okay ka lang ba?" nag-aalala nitong tanong.

Pilit akong ngumiti saka tumango, "Okay lang naman ako, ate Mirna"

"Pero siya, hindi siya okay" nakangiwing ani niya sa akin tapos may itinuro sa gilid ko.

Walang buhay kong tinignan ang tinuro ni Ate Mirna pero napalitan kaagad iyon ng gulat nang makita kong basang-basa ang isang kasambahay sa gilid ko, para itong naligo sa sobrang basa!

"Ate! Anong nangyari sa'yo diyan?" nag-aalala kong tanong. Para kasi siyang nag-swimming habang balot na balot ang katawan niya.

Kumunot ang noo ko nang galit itong tumingin sa akin. Anong ginawa ko dito?

"Basang-basa ako dito dahil sa'yo!" singhal nito saka naglakad palayo.

Kunot noong tumingin ako kay ate Mirna, hindi ko maintindihan ang sinabi nong babae.

"Anong sinasabi niya, ate?"

Hindi ito makapaniwalang tumingin sa akin, "Hindi mo ba gets? Nabasa mo siya habang nagdidilig ka. Nagdadamo siya diyan sa gilid tapos sakto naman na diyan mo tinapat 'yong hose kaya nabasa siya" paliwanag ni ate Mirna.

Ahh...kasalana ko pala. Ngayon naintindihan ko na kung bakit siya galit sa akin. Ako pala ang dahilan kung bakit siya nabasa. Hihingi na lang ako ng pasensya sa kanya mamaya.

"Ako pala ang may gawa no'n"

Napairap na lang sa akin si ate Mirna saka ako sinabihan na pumasok na ako sa mansyon para magkape dahil mukha daw akong inaantok. Siya na daw tatapos sa pagdidilig.

Hinayaan ko na lang si Ate Mirna na gawin iyon dahil mukhang kailangan ko talagang uminom ng kape. Pagkapasok ko sa kusina ay nakita ko si Manang Josie, ang mayordoma ng mansyon. May kasama itong dalawang kasambahay at mukha silang aligaga.

'Mukhang may bisitang dumating'

Lagi kasing aligaga si Manang Josie kapag may bisitang dumadating dito sa mansyon. Nagliwanag ang mukha ni Manang Josie nang makita akong papasok sa loob ng kusina.

"Tatiana, halika dito..." utos nito.

Sumunod naman ako kaagad dahil baka mapagalitan pa ako, "Ano po 'yon, manang?"

Inabit nito sa akin ang tray na may lamang tatlong kape at tinapay.

"Kunin mo ito at dalhin mo doon sa office ni sir Alex, bilisan mo at may mga bisita siya"

Huh?! Dalhin ko daw kay sir Alex?! E, iniiwasan ko nga 'yong boss namin tapos ako pa ang inutusan. Alam na alam talaga ng tadhana ang gagawin e. Sana pala hindi na ako pumasok dito sa loob ng kusina!

Hindi na rin ako makaangal dahil sapilitang pinahawak sa akin ni Manang Josie ang tray kaya ngayon, naglalakad na ako papunta sa ikalawang palapag.

ALESSANDRO 'AXL' VISCONTI'S POV.

Napangisi ako nang makita ko kung paanong walang kamalay-malay na itinapat ni Tatiana ang hose sa gilid para madiligan ang ibang halaman pero imbes na halaman ay isa sa mga kasambahay ang nabasa niya.

Kita mula dito sa bintana ng office ko ang hardin ng mansyon at kita ko rin kung ano ang nangyayari sa hardin ngayon.

Mukhang wala sa sarili si Tatiana, mukhang hindi kumpleto ang tulog at alam ko kung ano ang dahilan. Mahina akong natawa, kung hindi siya sumilip sa kwarto ko kagabi ay siguradong maganda ang tulog niya.

'Oh, Tatiana...'

"Anong nginingisi-ngisi mo diyan, Alex?"

Napatingin ako sa kaibigan kong si Clint na nakaupo sa mahabang sofa kasama si Zarick.

"May nangyari lang sa hardin..."

Ngumiti ito nang nakakaloko, "Iyong hardin ba talaga o 'yong isang kasambahay?" pang-aasar nito.

I suddenly want to punch his face right now.

Hindi ko na lang iyon pinansin saka umupo sa upuan ko. Hindi ko alam kung bakit nandito itong dalawang 'to ngayon. Pero hindi na dapat ako magtaka dahil lagi silang pumupunta dito sa mansyon ng walang pasabi.

"Is she doing good right now?"

Lumipat ang mata ko kay Zarick, kahit hindi niya banggitin ay alam ko kung sino ang tinutukoy niya.

"She's doing good but she still doesn't remember anything"

Rinig ko ang pagbuntonghininga ni Zarick, "Just wait, Alex" ani niya sa akin.

'I know. I've been doing that for a long time and I'm going to do that until she remember me'

My brow suddenly shot up when the door of my office open. All of my men and my maids knew that they need to knock before opening the door. Kumalma naman agad ang mukha ko nang makitang ang anak kong sj Theo lang pala ang pumasok.

Nakapambahay pa rin ito ng suot at hawak na naman niya sa kanang kamay niya ang laruan niyang sundalo. Nakamasid lang ako sa kanya na diretsong naglalakad papunta sa pwesto ko, mukhang hindi napansin ang mga Tito niya.

"Daddy, where's mommy?"

Napaubo ako ng wala sa oras nang marinig ko ang tanong niya. Ang dalawa naman sa upuan ay napatigil at nasa anak ko na ang atensyon nila.

"Buddy, what are you talking about? Your mommy is not here" sagot ko. Hindi ko alam kung ito ba ang tamang sagot dahil ngayon lang naman nagtanong si Theo tungkol sa mommy niya. Hindi ko nga alam kung sino ang mommy niya.

"She's here!" giit nito.

Napahilot ako sa sintido ko. Ang aga-aga pero mai-stress ako sa sinasabi ni Theo sa akin.

"Theo, your dad is telling the truth. Mommy's not here" malambing na saad ni Clint sa anak ko.

Humarap si Theo sa kanya ng may galit sa mata, "Mommy's here! She even baked me some cookies last night!" galit na nitong saad.

'What? Maybe some of the maids did it'

Sabay-sabay kaming apat na tumingin sa pinto nang bumukas ito at iniluwa doon si Tatiana na may hawak na tray. Pumasok ito pero iniiwasan nitong tumingin sa direskyon ko.

"Mommy!!"

Napatanga akong tumingin kay Theo nang tinawag niya si Tatiana na mommy saka tumakbo palapit sa babae at niyakap ang binti nito. Si Tatiana naman ay hindi rin makapaniwala sa tinawag sa kanya ni Theo.

Sa gitna ng katahimikan ay narinig ko ang mapang-asar na pagsipol ni Clint habang nakatingin sa akin.