Chapter 1

Faye

"Hmmm..." Napabuntong-hininga ako nang malalim at yumakap sa sarili dahil sa lamig na naramdaman ko.

Napamulat ako at agad kong napansin ang hubo't hubad kong katawan. Tunay ngang naipagkaloob ko na ang sarili ko sa fiancé ko.

Agad kong kinapa ang gilid ng kama upang hanapin ang kumot.

"Mahal-" tawag ko kay Chad, pero wala siya sa tabi ko. Napabangon ako bigla.

Luminga ako sa paligid ng kwarto. Nagkalat ang mga bote ng alak sa sahig.

Napangiwi ako nang makita ang kalat. Naparami yata ang nainom ko kagabi.

Natakot ako dahil hindi siya dumating sa hotel sa oras na napag-usapan namin, at hindi rin siya sumasagot sa mga tawag ko.

Mabilis kong hinanap ulit ang kumot nang biglang bumukas ang pinto.

"Mahal, anong oras na? Dumating na ba ang wedding coordinator natin-"

"Gising ka na."

Napatigil ako. Mabilis akong bumaling sa nagsalita, at nanlaki ang mga mata ko nang makita ang isang estrangherong lalaki na nakatayo sa pintuan.

Agad ko ring tinakpan ang katawan ko habang mabilis na hinanap ang kumot gamit ang mga mata ko.

Prenteng sinara niya ang pinto, "Tinatakpan mo, as if talaga hindi ko nakita 'yan kagabi," malalim niyang sabi.

Nanginig ako sa takot sa narinig ko mula sa kanya. Unti-unting tumulo ang mga luha ko.

Anong nangyayari? Nasaan si Chadrick? Paanong nakapasok ang lalaking ito dito sa kwarto?

"I'm dreaming..." nanginginig ang boses ko.

"Not really,"tugon niya at nagtangkang lumapit.

"Don't come near me!" sigaw ko.

Umismid siya at tinignan ako nang masama.

"Nasaan ang fiancé ko?!"

"I'm your fiancé from now on, and your soon-to-be husband," sagot niya.

Lalo pang bumaha ang luha ko sa narinig ko sa baliw na lalakeng ito.

"Nasaan si Chadrick? Anong ginawa mo sa kanya?!" sigaw ko, puno ng galit.

Naningkit ang mga mata niya sa akin. "Wala akong ginawa sa kanya. Siya ang may ginawa."

Lumapit siya nang bahagya.

"I lost a billion, and even investors because of him," mariin niyang sabi.

Nanlilisik ang mga mata ko.

"He will never do that!"

"He did. He stole my woman and collaborated to doom me!" Umigting ang panga niya habang ang kanyang mga mata'y nagdilim.

"Last night, your fiancé went to my woman's suite. It turned out, matagal na silang may relasyon."

Tumulo ang mga luha ko, pero mas tumindi ang galit ko.

"Hindi 'yan magagawa ng fiancé ko!"

Lumapit pa siya, kaya't napaurong ako sa takot. Nanginginig ang buong katawan ko habang umiiyak.

Ang ibig sabihin, hindi si Chadrick ang kasama ko dito kagabi.

Niyakap ko ang sarili ko, habang paulit-ulit na bumabalik sa isipan ko ang mga nangyari.

Pakiramdam ko, wala na akong natirang dignidad.

"That man was indeed foolish. He stole another woman when he already had you,"wika niya at humakbang pa talaga siya palapit sa kama.

Tumayo ako, "Hayup ka! Huwag kang lalapit!" sigaw ko nang buong lakas.

Dumausdos ang mga luha ko nang hindi siya natinag at lumapit sa akin.

Binaba niya ang bitbit niyang envelope, at may pinulot siya sa gilid ng kama.

"Iniwan kitang nakabalot sa kumot, ang likot mo pa lang matulog-"

"Gago! Demonyo ka-"

Ipinatong niya sa likod ko ang kumot at binalot sa akin.

"Miss, kung inaakala mong pinagsamantalahan kita kagabi, nagkakamali ka. Ikaw ang unang yumakap at humalik sa akin,"aniya.

Ang akala ko kase si Chadrick ang pumasok sa kwarto kagabi. Sa kasiyahan ko, tumakbo ako sa kanya at yinakap siya.

Bumuga siya ng hangin at tinitigan niya akong mabuti, "At pweda ba, kausapin mo ako nang hindi sumisigaw."

Natawa ako sa hangin, "Kausapin ka? Sa demonyong katulad mo?"mapang-uyam kong saad.

"Sabi ng-"bumuga ulit siya.

"Hawakan mo ito, kung ayaw mong makita ko ulit 'yan."

Dumilim ang paningin ko sa kanya at mabilis ko siyang tinadyakan pero nakaiwas siya.

Binuksan niya ang hawak niyang envelope at kinuha mula rito ang mga larawan. Kapagkuwan, pinakita niya sa akin ang mga ito.

"Now, look, kung anong pinaggagagawa ng butihin mong fiancé,"wika niya.

Bumaba ang mga mata ko sa larawan. Pakiramdam ko may bumundol sa dibdib ko nang makita ko sa larawan si Chadrick, nakikipaghalikan siya sa isang babae.

Kinuha ko ang mga larawan sa kanya at inisa-isa ko ang mga ito. Nagiging mas malinaw ang kuha kay Chadrick kasama ang babae. Kumakain sa isang restaurant, magka-holding hands, magkayakap, at kung ano-ano pang nakakapagpiga ng puso ko.

"Now tell me, sino ang demonyo ngayon? Ako o siya?"

Nabitawan ko ang mga larawan at napahugot ako ng malalim na hininga.

Kapagkuwan, mabilis kong tinungo ang pintuan pero mabilis din siyang kumilos, humarang siya sa harapan ko.

"At saan ka pupunta?"tanong niya.

"Kakausapin ko siya,"matapang kong sagot.

Nagtagpo ang mga kilay niya, "For what?"

Umatras ako. Nagpupuyos ang dibdib ko sa galit, pero nananatiling matatag ang tingin ko sa kanya.

"Mahal namin ang isa't-isa at walang makakapaghiwalay sa amin, lalong-lalo na kung ang sisira sa amin ay hindi ko kilalang tao."

Napahinto siya. Sandaling tumingin sa akin bago siya umiwas. Pero napansin ko ang pagtitiim-bagang niya bago niya ibinalik ang paningin niya sa akin.

"You're a foolish woman. He cheated on you. He betrayed you on the eve of your wedding. And yet you're here, declaring your love to each other," galit niyang wika.

Hindi ko magawang paniwalaan ang sinasabi niya. Kilala ko si Chadrick. Mahal niya ako. Hindi niya magagawa ang ipinamumukha sa akin ng lalaking ito.

Pero wala akong naisagot. Patuloy lang ang pag-agos ng mga luha ko.

"Crying won't solve anything."

Tumulis ang paningin ko sa kanya.

Nangalumbaba siya at muli niya akong tinitigan ng malalim.

"Marry me, instead,"anas niya.

Marahas ko siyang itinulak, "Baliw ka na. Para sabihin ko sa iyo, ikakasal kami ngayon ni Chadrick,"wika ko.

"And you're still planning to marry him?"tanong niya.

"Oo, matagal na namin itong pinangarap. Hindi kami masisira dahil lang sa mga larawan na pinakita mo sa akin-"

Nahigit ko ang hininga ko nang hapitin niya ang bewang ko.

Naramdaman ko ang mainit niyang palad, ang parehong init na naramdaman ko kagabi.

"Ayoko sa mga taong tanga, lalo na sa mga babaeng nagpapakababa para sa manloloko,"nangangalaiti niyang sabi.

Sinalubong ko ang mabigat niyang titig sa akin.

"Tanga na kung tanga. Matagal na panahon naming pinaghandaan ang kasal namin, pagsubok lang namin ito-"

"Pagsubok niyo ang panloloko niya sa iyo?"

Napalunok ako nang ilapit niya ang labi niya sa akin.

"Pati na rin ang nangyari sa atin kagabi?"