Chapter 28

Kinahapunan, pagkatapos ng kanyang klase ay sumakay siya ng jeep at bumaba sa bungad ng eskinita papunta sa inuupahang bahay ni Bree. Kanina ay nag-text ito at sinabing pumunta siya rito. The last time she visited her friend was when she was just discharged from the hospital. Noon kasi na gusto niyang bisitahin ito ay iyong time naman na busy siya sa school at sa garden niya.

May maliit na bakery sa bungad at nagbebenta ng mga tinapay kaya bumili muna siya bago tuluyan na pumasok sa loob. Akala niya ay hindi na siya makakalabas sa lugar na ito ngunit dahil kay Eros ay nagawa na niya. Hindi na siya nakatira sa magulo at maingay na lugar na ito na puno ng mga lasenggo at tsismosa.

Pumasok siya sa maliit na bakuran ng lumang bahay na inuupahan ni Bree. Kumatok siya sa pinto at ilang minuto lang ay bumukas ito.

“Ano na naman nangyari sa'yo?” bulalas agad niya nang makita ang hitsura ng kaibigan.

May bago na naman kasing pasa at kalmot sa mukha nito kahit na hindi pa man tuluyang naghihilo