Chapter 11

Diana's POV

“R—yan? Anong ginagawa mo dito?” Hindi ako makapaniwala sa aking nakikita.

Ang dati kong nobyo na mas mahirap pa sa daga, bakit ngayon ay nakasuot na ng mamahaling Armani suit? At ang suot nitong relos sa kaliwang kamay, kung hindi ako nagkakamali ay isang designer watch na limited edition at gawa ng Patek Philippe.

Ang kumikinang sa kislap na Testoni shoes nito, gawang Italya na siguradong mahal dahil sa iilang palamuti nitong diamante.

Halos nasa singkwenta milyones siguro kung susumahin lahat ng suot nito sa katawan.

For a second, parang tumigil ang utak ko at natuliro. Nakatingin lang ako kay Ryan at nakanganga. Halos hindi rin ako makahinga sa magkahalong gulat at kaba.

Mula kasi nang bumalik ako ng Dumaran, palaging sumasagi sa isipan ko kung nasaan na ba si Ryan, ang dati kong kasintahan.

Marami akong dapat linawin at ihingi ng tawad sa kanya, kung tutuusin. Makailang beses kong naisip na kung sakaling magkasalubong kami sa daan, magagawa ko bang magtapat ng mga tot