Chapter 7

Lexi's PoV

Pag-alarm pa lamang ng orasan ko ay bumangon na ako kaagad. Naayos ko na kagabi ang mga gamit ko at naplantsa ko na ang damit na isusuot ko ngayong araw.

Excited na akong pumasok para makabawi naman ako sa asawa ko. Kailangan kong maipakita sa kaniya na magaling ako sa trabaho at hindi siya nagkamali na i-hire ako. Hindi lang naman ganda ang mayroon ako kun'di utak din.

Nagtimpla na lamang ako ng kape at kumuha ng tinapay para iyon na ang agahan ko. Pagkatapos kong maligo ay nagising na si nanay at nagulat pa nang makita ako sa kusina na nakatapis ng tuwalya.

"Sobrang aga mo naman yata anak?" nagtatakang tanong ni nanay sa akin. Naghihikab pa ito at nag-uunat ng mga kamay. "Alas sais ba ang pasok mo sa opisina?"

"Nanay, kailangan ko kasing ipakita sa asawa ko este sa boss ko na hindi siya nagkamali na ako ang pinili niya. Kaya simula ngayon 'nay, magpapakitang gilas ako sa kaniya. Aba, graduate ako ng BIM na cumlaude kaya dapat kong mapatunayan iyon sa boss ko."

"Tama