Chapter 13

Lexi's PoV

Nandito ako ngayon sa harapan ng bahay namin at pagngiti-ngiti. Ngayon lang kasi nakita si Ally na nag-blush. Siguro umeepekto na ang pagpapansin ko sa kaniya kaya ganoon siya sa akin.

Habang tumatagal hindi na crush itong nararamdaman ko kun'di love ma talaga. Mahal ko na talaga si Ally at hindi na lang ito simpleng attraction. Iyon nga lang hindi ko talaga p'wedeng ipilit ang nararamdaman ko sa kaniya. Alam ko naman kung ano ang agwat namin sa isa't isa.

Biglang nawala ang ngiti sa aking mga labi.

Pumasok na ako nang tuluyan sa loob ng aming bahay. Wala roon si Nanay, siguro nasa kapit-bahay at nakipagkuwentuhan.

Ipinasya kong magtungo sa kuwarto ko at matulog na dahil pagod na pagod ang pakiramdam ko. Hindi na ako naghapunan dahil kumain naman kami ni Kiko sa may paresan kanina. Ang kababata kong iyon na walang sawang manlibre sa akin.

Day off ko ngayong araw ng Sabado kaya naisip ko na pumunta sa bahay nila Kiko. Gusto ko din sana na ayain siyang lumabas para naman mail