Chapter 11

Lexi's PoV

Namumugto ang mga mata ko nang pumasok ako kinabukasan sa Sandoval Wirings. Nakita ako ni Sir James pero hindi ko siya pinansin. Galit lang ako ngayon sa sarili ko at syempre sa mga kaibigan ng boss ko.

Kapag nagalit pa naman ako dinadamay ko lahat ng tao kahit na insekto.

Dumiretso ako sa elevator at eksakto na wala akong kasabay. Bumuga ako nang malalim at mahigpit ang higpit sa paper bag na kinalalagyan ng jacket ni Sir Ally. Ibabalik ko na ito sa lalaking iyon at mula sa araw na ito ay kakalimutan ko na ang nararamdaman ko para sa kaniya.

Pipindutin ko na sana ang third floor button nang biglang magbukas pa ang elevator at nagulat ako nang makita ko si Sir Ally na sobrang guwapo sa suot na business suit na kulay gray.

Huminga ako nang malalim. "Good morning, Sir Ally," matamlay kong bati sa kaniya.

"Umaga pa lang ubos na ang energy mo, Miss De Asis?" nakangising tanong sa akin nito.

"Wala lang ako sa mood, sir. Marami akong iniisip ngayon at marami din akong mga kaaway.