Kabanata 25.2

“Mommy,” naiiyak niya ng saad, mas lalong napapahigpit ang hawak niya sa tali ng kaniyang aso. Tahimik lang din naman ang alaga niyang nakasunod sa kaniya. Sinubukan niyang magpatuloy sa paglalakad pero pakiramdam niya ay mas lalo siyang napapalayo. Sinubukan niyang pigilan ang luha niya at lakasan ang kaniyang loob gaya ng turo sa kaniya ng Mommy niya pero hindi rin nagtagal ay naiyak na siya.

Mas lalo siyang naliligaw dahil maraming pasikot-sikot sa loob ng art gallery. Napaupo na lang siya sa isang tabi habang nakayakap sa mga binti niya.

“Mommy.” Umiiyak niya ng saad.

“Mommyyyy. I want to go home na Mommyyyy.” Patuloy niyang iyak. Tumatahol na rin ang maliit niyang aso.

Tiningnan ni Blaze ang relo niya dahil kanina pa ay hindi pa rin nakakabalik si Aaron. Hindi na siya makatiis na naghihintay lang kaya naisipan niyang muling lumabas. Subalit hindi pa lamang siya nakakalayo mula sa kinatatayuan niya kanina ay narinig niya ang paghikbi ng isang bata. Napakunot na lang ang noo niya d