Kabanata 27.1

Matapos ang nangyari sa loob ng elevator ay pareho silang tahimik lalo na si Blaze. Ramdam pa rin ni Beatrice ang takot na naramdaman niya habang nasa loob siya ng elevator. Hindi siya makahinga ng maayos at tila pakiramdam niya ay bumalik siya noong panahong nahihirapan siyang huminga sa ilalim ng tubig, panahong nag-aagaw buhay.

Ramdam pa rin niya ang trauma, mga pangyayari na ayaw niya ng maulit pa subalit hindi niya maiwasang hindi maibalik sa isipan niya sa tuwing nakukulong siya sa kadiliman.

Naipilig na lamang din ni Blaze ang ulo niya nang mabitawan niya ang hawak niyang ball pen.

“Bakit ko pa ba siya inaalala?” hilaw niyang tawa sa sarili. Kanina pa siya nadidistract at hindi maituon ang buong atensyon sa ginagawa niya. Nahilot na lamang niya ang sintido niya at panandaliang hininto ang ginagawa niya.

“Nagkataon lang siguro na marami silang pagkakapareho ni Eilish but it’s impossible that she’s Eilish. You’re crazy Blaze, Eilish will never come back and will never be. Ikaw mi