Chapter 16

"Sorry works when a mistake is made, but not when trust is broken."

_____________________________________

Baby Charm Calling...

Parang namanhid ang utak ko sa aking nakita. Kelan pa nangyaring 'baby' niya si Charm? Hindi ko alam kung ano ang dapat na maging reaksyon ko. Ang alam ko lang ngayon ay naninikip ang aking dibdib at parang pinipiga ito sa labis na panibugho.

Akala ko ba ako lang? Paanong nangyaring may iba pa pala siyang tinatawag na 'baby'?

Inabot ko ang phone pero mas mabilis ang kamay niyang abutin ito.

"Sagutin mo." Saad ko sa mababang boses.

"It's not what you think, Louisse..." sagot niya sa halip na sundin ang sinabi ko.

Agad kong iniwas ang tingin ko sa kanya. Dinig ko ang malakas niyang buntong hininga pero hindi ko narinig na sinagot niya ang tawag sa kanya. Nag-uunahan na ang mga luha sa pagpatak pero pilit kong pinipigilang may kumawalang hikbi mula sa akin.

Ang sakit pala malamang may ibang tinatawag na 'baby' si Anthony? Ito na ba ang sinasabi nilang pagsubok s