Chapter 5

"Apo naibigay mo na ba yong hinihingi ni Sir William sayo?"Muntik akong mabulunan sa tubig na iniinom ko dahil sa tanong ni Lola. 

Pagkatapos kong iwan si Sir William kanina nagtago muna ako saglit doon malapit sa bodega dahil hiningal ako sa pagtakbo pabalik dito sa hacienda.

Letseng lalaking yon, apaka bastos ng bunganga. Anong akala niya sa mani ko for sale? Excuse me lang! Bawal pa pitasin tong mani ko dahil bata pa ako. Kino-corrupt talaga nitong si Sir William ang innocent mind ko. Nakakainis!

"O ano Amethyst ba't di ka nakasagot dyan?" untag ni Lola sa aking dahil nanatili akong tahimik. Tumalikod ako kay Lola para hugasan ang basong pinag-inuman ko. Sa muli kong pagharap sa kanya halatang hinihintay niya ang aking sagot.

"A-ano ho daw bang hinihingi ni Sir William Lola?" balik tanong ko kasi hindi ko naman alam kung anong tinutukoy ni Lola. Isa pa paano nalaman ni Lola na si Sir William ang kasama ko kanina?

"Ha? Hindi mo ba alam? Ang sabi ni Cara sinamahan mo daw si Sir William kasi hinihingi ang mani mo?"

Loko loko din ito si Ate Cara, sa dinami dami ba ng rason mani pa ang naisip niya? Bigla tuloy nagflash back yong sinabi ni Sir William kaninang kakainin niya daw ang mani ko.

"Saan ka ba kasi galing? Bakit parang lutang ka? Nakuha niyo ba ang mani?"

"A-anong mani Lola?" medyo napataas pa ang aking boses. 

"Bakit anong mani ba Amethyst? Malamang yong maning binebenta mo. Bakit may ibang mani ka pa ba?"

"A-ah e, oo nga po Lola sabi ko nga yong maning benta ko po. Hehe." Feeling ko tuloy namumula ako ngayon. Anong mani ba kasi ang nasa isip ko? 

"Oh anong nangyayari sayo ba't namumula ka?"

Hindi ko pinansin ang tanong ni Lola kung bakit namumula ako.

"Ahm, ayaw na daw ni Sir William La, allergic na daw siya sa mani ngayon. Pulburon na lang daw La, pero wala akong dala... ayos sana yon para mabilaukan siya." mahinang kong dugtong sa huling sinabi ko.

"Anong allergic? Hindi kaya..." Natigilan ako dahil  biglang sumabat si Sir William.  " Lola Belinda, may favorite Lola, Kamusta po?" nagmano muna ito kay Lola bago binalingan si Nana "Nana Mildred, may favorite Nana of all times, payakap po." 

Ay s****p! Magaling mambola ang Sir William niyo. Si Lola naman at Nana ay tuwang tuwa sa alaga nila. Niyakap pa silang dalawa ulit ni Sir William. May suot na itong puting t-shirt ngayon na hapit sa katawan niya. Siguro nahiya kina Lola at Nana, mabuti naman para di siya kabagin sa kakabalandra ng katawan niya.

Ang giliw niya kina Lola at Nana samantalang kanina sabi niya hindi siya pumapatol sa mga katulong. Kung banggitin niya pa ang salitang katulong parang diring diri siya eh. May pagka plastik din pala 'tong si Sir William e. 

"William hijo, sabi ni Amethyst ayaw mo na daw sa mani niya dahil may allergy ka daw?"

"Sinong may sabi na allergic ako sa mani Lola Beling?"

Oh shit! Hindi ko alam paano ko babawiin ang sinabi ko kay Lola. Andito pa naman si Nana Mildred, baka isipin niyang sinungaling ako. Bakit ba kasi biglang sumusulpot tong si Sir William dito sa kusina? Iniwan niya na naman siguro ang mga kaibigan niya doon sa may pool area.

Nakakaloko pa itong ngumiti sa akin tsaka may pakindat kindat pa. Hindi man lang ba siya nahiya sa Lola ko?

"Si Amy, itong apo ko sabi niya allergic ka daw sa mani niya."

Hala bakit 'mani' ko talaga? Ang sagwa naman pakinggan.

Bwesit kasi tong si Sir William eh. Dati wala lang naman sa akin sa tuwing nababanggit ang mani ko...I mean ang maning paninda ko, pero ngayon parang iba na tuloy ang dating nito sa akin.

"Of course not, Lola, alam mo namang paborito ko yung 'mani' ng apo mo." Sagot nito na binigyang diin ang salitang 'mani'  at muli pang kumindat sa akin kaya si Lola at Nana Mildred ay tumawa pa sa kanya.

Sumimangot ako kay Sir William dahil alam ko namang pinaglalaruan niya na naman ako. Mas maigi pa yong tahimik siya kesa sa kung ano anong lumalabas sa bunganga niya. Akala ko pa naman masungit at tahimik lang ito yon pala sobrang ligalig din, tsaka ang bastos pa ng bunganga. Lahat ata ng lumalabas sa bibig niya may double meaning. Di kaya ako lang ang nagbibigay ng ibang kahulugan doon?

"Oh anong nangyari Amethyst, sabi mo ayaw ni si Sir William sa mani mo?"

"Ahh kasi ano Lola...k-kasi..." hindi ko matuloy tuloy ang gusto kong sabihin dahil ayokong magsinungaling ulit kay Lola.

"I was just joking kanina Lola, sinabi ko kay Peanut... I mean kay Louisse na pag hindi siya ang nagluto ng mani allergic ako, diba Louisse?"

"Ay opo..y-yun nga po Lola." sang-ayon ko kay Sir William.

Ewan ko lang kung naniwala ba si Lola Belinda sa akin dahil pinukulan niya ako ng nagdududang tingin kaya agad kong iniwas ang mga mata ko sa kanya.

Ayokong tingnan ang nakakalokong mukha ni Sir William pero kahit hindi man ako tumingin sa kanya dama ko ang intensidad ng titig nito sa akin. Para bang binabasa nito kung ano ang nasa isip ko.

Ito talaga si Sir William walang pinipiling lugar. 

"San kayo galing kanina? Ang sabi ni Cara may kinuha kayo doon sa likod?" nag-angat ako ng tingin at nakita kung natigilan din si Sir William sa tanong ni Lola pero ang loko agad ding nakabawi.

Hindi ko alam kung ako ang tinatanong ni Lola o si Sir William dahil sa aming dalawa ito nakatingin. Nagkunwari akong inabot ang carrots na nasa mesa at kumuha ako ng kutsilyo para balatan ito. Hindi ako sumagot at nagkunwaring naka-focus ako sa pagbalat ng carrots, mahirap na baka masugatan pa ang kamay ako.

"Ahm...kumuha kami ng uling Lola, tsaka nagpasama ako kay Louisse kasi sabi ni Cara alam nito kung saan nakalagay ang mga uling."

Wow ang talino ah, bilis nakaisip ng palusot. Gusto kong matawa sa naging sagot niya pero pinigilan ko ang aking sarili.

"Anyway Lola, diba sabi mo marunong magluto si Louisse ng bibingka? May dala po ba kayo?"

Paano niya nalaman na marunong akong magluto ng bibingka? Oo nagbebenta ako nito pero hindi ko alam kung dinadalhan ba siya ni Lola ng mga niluluto ko.Tsaka kung dinadalhan man siya ni Lola as if naman kung kinakain niya ito? Mukha niya!

"Bakit mo po natanong, Sir William?" 

Hindi ko na napigilan ang sariling tanungin siya. Feeling ko kasi may iba na namang kalokohan ang pumasok sa utak nitong si Sir William. Sa dinami dami ng dapat kainin, bibingka ko pa talaga ang hinahanap niya? Hanep ah.

"Gusto ko sanang tikman yong bibingka mo, Louisse."

Kunwari seryosong sabi nito pero halata namang pinipigilan niyang matawa. Hindi pa ito nakuntento at umikot pa ito at tumabi sa akin.

"Patikim mo naman sa akin ang bibingka mo, Louisse. Matagal ko na gustong tikman yan...I mean miss ko na ang mga dinadala ni Lola dito sa akin."

Ngumuso ako sa kanya. Ayoko ngang magluto para sa kanya. Madami namang nagbebenta ng bibingka sa bayan bakit yong luto ko pa ang hinahanap niya? Mapagkunwari talaga ang lalaking 'to, kundi ko lang ito amo baka kanina ko pa ito sinagot sagot. Halata naman kasing pinagti-tripan niya lang ako. Hmmp! Style mo Sir William, bulok!

"Hayaan mo hijo, kapag nkabalik kayo ulit dito dumaan ka sa bahay at ipagluluto ka namin ni Amethyst ng bibingka."

"Aww love niyo po talaga ako, Lola Beling."paglalambing niya pa kay Lola kaya pasimple akong umirap.

"Kumusta na po kayo Lola? Hindi ka ba mabo-bored sa bahay niyo? Pwede naman kayong sumama dito kay Amethyst kung gusto niyo po."

Parang nakadama ako ng kakaibang kasiyahan dahil sa sinabi ni Sir William, halata ang concern nito kay Lola Belinda ko. Ang lambing pa ng pagkikipag-usap niya dito. Sabagay si Lola yong nag-alaga sa kanya nung maliit pa siya kaya siguro close silang dalawa.

"Ayos lang ako William, gusto ko pa nga sanang magtrabaho kaso itong apo ko ang nagpupumilit na tumigil na ako."

Lumingon sa akin si Sir William at ngumiti. Iyong genuine na ngiti at walang halong kalokohan.

"Basta kapag may kailangan po kayo Lola wag po kayong mahiyang magsabi sa akin ha. Tsaka wag kang mag-alala dito sa apo mo. Kaming bahala ni Nana Mildred dito, diba Na?"

" Abay syempre, wag kang mag-alala Aling Beling kami ang bahala sa magandang apo mo. Tsaka itong si Sir William, siya na ang mamamahala nitong hacienda. Walang ibang makakalapit dyan sa apo mo."

Tiningnan ko ang reaksyon ni Sir William kung kokontrahin niya ba ang sinabi ni Nana Mildred pero tumango tango lamang ito bilang pagsang-ayon.

"O akala ko ba ayaw mo dito sa hacienda kasi mabo-bored ka lang? "

Natatawang tanong ni Lola sa kanya. Nakita ko pang napakamot siya sa batok niya na tila ba nahihiya.

"Noon yon Lola, iba na ngayon..." tumingin pa ito sa akin saka kumindat. 

Hala bakit may pakindat ito sa akin? Ano naman ngayong kung nagbago ang isip niya?

"Siguradong walang makakalapit dito kay Amethyst dahil andito si Sir William, takot lang ng mga nun sa alaga mo Beling." dagdag pa ni Nana Mildred kaya natawa na rin pati si Lola. "Wala pa naman sigurong nobyo tong apo mo ano?"

"Dapat lang matakot sila Mildred, bata pa yang apo ko tsaka bawal pa yan magnobyo. Kung sino man ang magkakagusto dyan dapat umakyat muna ng ligaw sa bahay."

"Okay po, Lola. Noted."

Sagot ni Sir William kaya sabay kaming napalingon sa kanya.

Noted? Para saan ang noted niya?

"O, Sir William andito lang po pala kayo. Kanina pa ko kayo hinahanap ng mga kaibigan niyo sa labas. Akala namin saan na kayo umabot ni Amethyst eh."

Bungad ni Ate Cara. May dala itong pitsel na walang laman saka mga baso.

"Wala nga  Cara eh, ayaw ni Peanut...I mean Louisse" natatawang sagot nito kay Ate Cara. Si Ate naman parang sanay na sa mga kalokohan ni Sir William.

"Wala ka pala Sir eh." tumatawang sabi ni Ate Cara bago dinala sa lababo ang mga hugasin. " Apo lang pala ni Lola Beling ang makakapatumba sayo."

"Ako nang maghuhugas niyan Ate Cara." agad akong tumabi kay Ate Cara sa lababo. Ayokong tingnan ang nanunuksong ngiti ni Sir William. Si Ate Cara naman ay nakita ko pang pangiti-ngiti nito na tila nanunukso din sa amin. 

"San kayo pumunta beh?"tanong niya sa akin pero mahina lang ang boses niya.  Lumingon muna ako kina Lola baka kasi marinig nila ang sagot ko, pero busy sila ni Nana sa pakikipag-usap kay Sir William. Si Sir William naman tawang tawa sa pinag-uusapan nila.

"Dinala ako ni Sir William doon sa likurang bahagi ng hacienda ate."

"Oh, bakit daw?" tanong ni Ate pero mahina pa din ang boses. Para na kaming nagbubulungan dalawa.

"Ewan ko sa kanya, ang sabi niya wag ko daw pansinin si Sir Knight. Aburido ata siya doon kay Sir Knight kasi sabi niya inis daw siya dito."

Napasinghap si Ate Cara, nanlaki pa ang mga mata niya na tila di makapaniwala. "Talaga beh?"

"Oo Ate, pero wag ka maingay baka marinig tayo ni Sir William."

"Tapos ano pang ginawa niyo doon? Ang tagal niyo namang bumalik, ilang beses na akong pabalik balik dito sa kusina kanina pero wala pa rin kayo."

"Wala kaming ginawa doon Ate, yon lang naman ang sinabi niya."

Hindi ko na binanggit kay Ate Cara ang tungkol sa biro ni Sir William na kakainin niya ang mani ko dahil nakakahiya. Baka kung ano pang isipin ni Ate Cara, ang bata bata ko pa kaya.

"Andyan pa ba si Sir Knight? Inis pa din ba siya kay Sir William?"

"Wag mong banggitin pangalan ni Sir Knight, baka marinig ka ni amo."

"Bakit bawal ba?"

Natatawang umiiling si Ate Cara sa akin na para bang may mali sa sinabi ko. " Basta beh sundin mo na lang ang sinabi ko. Alam mo na, para iwas gulo."

"Bakit Ate, hindi ba sila bati ni Sir Knight? Bakit niya ito in-invite dito sa hacienda kung inis pala siya? Saka ang sinabi niya sa akin, si Sir Knight lang daw ang hindi ko e-entertain, ibig ba sabihin ayos lang makipag-usap sa ibang kaibigan niya?"

Biglang natawa si Ate Cara sa akin. Paano seryosong seryoso ako sa tanong ko sa kanya.

"Oww? Kay Sir Knight lang daw ba?"

"Oo ate. Hindi mo ba nakita yong inis niya kay Sir Knight kanina? Sinighalan niya pa ito, wala namang masamang sinabi si Sir Knight diba?"

"Ganyan na ang mga iyan beh, dati pa. Basta ako sayo, wag ka munang lumapit doon kay Sir Knight ha." Lumingon pa ito sa likuran namin. "Mabait yan si Sir William pero masama din magalit. Mabilis pa yang mapikon sa mga kaibigan niya."

"Ganun po ba? Okay, sige po." nagkibit balikat pa ako.Kinuha ko ang basahan pampunas sa kamay ko saka muli hinintay kung matapos si Ate sa pagpunas sa lababo.

"Inosente ka pa talaga beh. Sige na dun ka na sa mesa."

Umupo ako sa mesa at yong mga gulay naman ang pinagdiskitahan ko. 

"Lola hatid ko kayo mamaya pag-uwi ha." Umangat ako ng tingin at hinintay ko ang maging sagot ni Lola sa kanya.

"Wag na hijo, salamat nalang." Kumunot ang nooni Sir William sa naging sagot ni Lola.

"Bakit po, La?"

"Nagsabi kasi si Knight kanina na isasabay niya daw kami pauwi ni Amethyst, may sasabihin daw siya sa akin sa bahay eh."

"Patay!" dinig kong bulong ni Ate Cara.

Ayokong maging assuming pero parang totohanin ata ni Sir Knight yung sinabi niya kanina na pupunta siyang bahay. Yun pa naman ang dahila kung bakit nainis si Sir William kanina.

Pagtingin ko kay Sir William nakita ko ang pag-igting ng panga niya. Isang malalim ng hininga pa ang kanyang pinakawalan bago sumagot kay Lola.

"Ako po ang maghahatid sa inyo ni Amethyst, Lola. Wag kayong maniwala dun kay Knight, nagbibiro lang yon."

"Ganun ba? Para naman kasing seryoso ito nung sinabi niya kaninang siya ang maghahatid sa amin." inosenting sagot ni Lola sa kanya. Gusto ko sanang sumabat pero nakita ko ang pag-iling ni Ate Cara na parang sinasabi nitong wag na.

"Naku Lola, wag kang magpapaniwala dun, tsaka ako yong alaga mo oh, dapat ako ang magahahatid sa favorite Lola ko, diba?" Dinantay niya pa ang ulo niya sa balikat ni Lola, panlalambing niya para lang pumayag ito. " Sige na po, La, balik na ako doon sa mga kaibigan ko ha."

Hindi niya na hinitay ang sagot ni Lola sa kanya. Sa tingin ko naman hindi talaga ito papayag kung si Sir Knight ang maghahatid sa amin.

"Haba ng hair mo beh..." bulong ni Ate Cara sa akin. 

"Ate?" mahinang sagot ko sa kanya. Kita ko pang sinulyapan nito si Nana Mildred at Lola bago muling bumulong sa akin.

"Mantakin mo yon, dalawang haciendero pinag-aagawan ang beauty mo?Pretty talaga ng bebe namin oh. Naks!"

Hindi ko maiawasang pamulahan sa sinabi ni Ate Cara. Paano may pasundot sundot pa ito sa gilid ko. " Kinikilig ka beh?" 

"Ate!"

"Wag kang bumigay agad ha. Pahirapan mo muna sila."

"Ewan ko sayo Ate Cara." nahihiyang sabi ko sa kanya. 

"Oh Carla Ysabel, ano naman yang binubulong-bulong mo dyan kay Amethyst? Naku tong batang 'to kung ano ano naman sigurong kalokohan ang tinuturo mo kay Amy."

"Nanay naman! Ang bait-bait ko kaya." pagmamaktol ni Ate.

"O sya tama na yan, hatid niyo 'tong ulam doon kina Sir William. Dalhan niyo na din sila ng yelo doon para hindi na kayo pabalik balik."

Ako ang nagdala sa ulam at si Ate Cara naman sa yelo. Malayo palang dinig na namin ang tawanan nila na parang walang nangyaring tensyon kanina. 

"Yong sinabi ko sayo beh, tandaan mo." bilin ni Ate Cara bago paman kami makalapit.

Unang nakapansin si Sir William sa paglapit namin. Agad itong tumayo at kinuha ang dala kong ulam. Wala itong sinabi, tahimik lang din ang mga kaibigan niyang nakamasid sa amin.

Napasulyap ako kay Sir Knight, seryoso lang itong nakatingin sa akin. Wala akong mabasang ekspresyon sa mukha niya kaya umiwas na lang din ako ng tingin sa kanya. Ayoko din namang maulit ang nangyari kanina sakaling mapansin ni Sir William na nakatingin ako sa kanya.

"Louisse sabay na tayong uuwi mamaya, ako ang MAGHAHATID sa inyo ni Lola Belinda." 

Sadyang nilakasan niya pa ang boses niya na parang pinaparinig sa mga kasama niyang siya ang maghahatid sa amin ni Lola.

"Yun oh!" biglang sabat ni Sir Simone na nakipag-apir pa kay Sir Ethan.

"Kaya naman pala pabebe si Gago!" kantyaw ni Sir Ethan pero ang dalawang magkapatid ay tahimik lamang. 

Si Sir Knoxx tila walang pakialam at seryoso lang na nakatingin sa baso niya habang si Sir Knight naman ay blangko pa rin ang mukha.

"Shut up, Fucker!" singhal niya sa kanyang mga kaibigan pero deadma ang mga ito sa kanya. 

"Pikon si Gago! Maypa deny-deny pa yon pala---"

"Ayaw niyo talagang tumahimik?" warning niya sa mga ito.

"Doon na kami sa loob Sir, tawagin niyo na lang po kami kung may kailangan kayo ha." Sabat ni Ate Cara. Nakita ko pa ang pagsulyap niya kay Sir Knoxx bago kami umalis pero hindi man lang siya binalingan nito ng tingin.

"Okay Cara, thanks."

Hindi pa man kami nakakalayo ni Ate Cara, narinig kong tinawag ako ni Sir William.

"Peanut..."

Hindi ako lumingon pero mahina akong siniko ni Ate Cara. "Peanut daw beh."

"Hayaan mo yan Ate, hindi naman Peanut ang pangalan ko."

"Wag mong galitin beh baka ibang mani ang mapitas niyan." natatawang sagot ni Ate Cara sa akin pero nagmatigas ako, hindi ko nilingon si Sir William.

Papasok na sana kami ni Ate Cara ngunit biglang may humawak sa aking braso kaya napilitan akong tumigil.

"Don't be stubborn, Louisse, hinatayin mo ako mamaya kung ayaw mong maparusahan."