Kabanata 3

"Bff! Ano, ayos ba?" tanong ko kay Karina nang matapos ako sa pag-aayos.

Waitress lang ako pero mukhang tatalbugan ko ang mga dancers dahil sa ayos ko. Nakasuot lang naman ako ng bustier top na may red laces, mini skirt at stilleto. Para lang ulit sa isang gabing kasama si Radzmir. Aba siyempre, kailangan kong mag-effort para naman hindi siya malugi.

"Perfect! Baka sunod-sunod na ang pag-aya n'yan sa'yo ah," malaki ang ngising aniya.

Sana nga dahil kapag nangyari 'yon magre-resign na ako sa 7/11 at magfofocus sa kaniya. Gagawin ko talaga ang best ko para sa pera siyempre. At saka, confident naman ako sa seduction at sex skills ko.

"Dapat lang! Ako na ang bahala sa rent kapag nangyari 'yon," taas noong sabi ko. Confident talaga ako sa sarili ko dahil hindi pwedeng hindi. I'm an optimistic person.

Malawak ang aking ngiting nakatingin sa salamin niya. Nasa kwarto niya ako ngayon para ipa-check kung maganda ba ang suot ko kahit may taste naman ako sa fashion. Gusto ko lang masigurong hindi madi-disappoint sa akin si Radzmir.

"Walang bawian ah. Sure na 'yan," aniya. Nagtawanan naman kaming dalawa na parang may masamang pinaplano. Ilang minuto pa kaming nag-asaran bago ako tuluyang pumasok sa trabaho.

"Ay aba aba! Magwa-waitress ka pa ba o magpeperform na sa stage bilang dancer," salubong agad sa akin ni madam Jing. As usual, may nakaipit na namang sigarilyo sa kaniyang bibig.

"Malapit na, madam." Pag-sang ayon ko na lang sa kaniya. Nakataas na naman tuloy ang kilay niyang drawing.

"Baka pagkamalan kang stripper... Oh siya sige, bahala ka sa kung anong gusto mo. Basta walang iiyak iyak sa'kin kapag binastos ka ng customer dahil may dress code naman ang mga empleyado dito. Tandaan mo rin ang rules na lagi kong binabanggit sa tuwing meeting natin." Ayan na naman siya sa panenermon. Tumango-tango na lang ako bilang sagot.

Pagkatapos kong mag-log in ay nagsimula na akong kumuha ng mga order. Lagi namang maiiksi ang outfit ko pero ngayon lang talaga ako nagsuot ng sobrang iksi na para bang isang p****k. Hindi na rin bago sa akin ang mabastos. Ilang taon na akong nagtatrabaho bilang waitress sa club kaya alam ko na kung paano ko i-defend ang sarili. I flirt with my customers sometimes to get tips, but there are still boundaries, of course.

"May I take your order, ladies and gentlemen?" Nakangiting tanong ko sa isang grupo ng customer na mukhang mga businessmen. Nasa VIP section ako kaya hindi na iyon nakakapagtaka.

Apat na lalaking nasa mid-30's at anim na babaeng nasa mid-20's. Mukhang may minor din ata. Napailing na lang ako dahil minor nga talaga ang isa sa mga babaeng nakakandong sa isang lalaki. Wala naman akong magawa kung 'di kunin lang ang order nila dahil may sinusunod kaming rules.

"We'll take a bottle of Macallan 18 and a few mixers on the side. Can we get some ice and a couple of glasses too?" tanong ng lalaking may kaakbay na dalawang babae.

"Sure, sir. Anything else?" Nakangiti pa ring tanong ko habang nagsusulat ng order nila sa order pad ko.

"Well, if you asked.. can I order you for tonight?" nakangising tanong niya at kumindat pa. Nagtaasan tuloy ang mga balahibo ko sa batok.

Hindi pa ba sapat ang dalawang babaeng kaakbay niya? Talagang gusto pa akong idagdag. Bakit kaya hindi nakukuntento sa isang babae ang mga lalaki kahit iisa lang naman ang tite nila.

"Pardon?" Ang ngiting suot ko kanina ay napalitan na ng ngiwi.

"I said, I want— Oh, Mr. Al-Andas! I'm glad you came tonight." Hindi na niya natapos ang sasabihin nang may tinawag siya. Tumayo pa siya para makipagkamay sa kararating na kasama.

Hindi kaagad ako nakagalaw dahil alam kong si Radzmir ang kararating na guest at nasa likuran ko lang. Hindi ko alam kung nakikilala niya ba ako dahil nakatalikod ako sa kaniya. Mamayang alas singko pa naman ang usapang oras na pagkikita namin kaya bakit ako kinakabahan? Waitress ako at sa mga oras na 'to ay customer ko siya. Dapat kalmado lang ako.

"What would you like to order?" tanong ng lalaking kakaupo lang pagkatapos batiin si Radzmir.

Si Radzmir naman ay nakaupo na rin. Agad namang may babaeng tumabi sa kaniya. Hindi ko namalayang nakataas na pala ang kilay ko sa babae. Ang sama tuloy ng tingin niya sa akin.

"We ordered Macallan 18. Baka may iba ka pang gusto."

"Just a glass of Kavalan Solist Vinho Barrique, please." Napalunok ako nang lumingon siya sa akin. Seryoso lang ang mukha niya pero halos atakehin ako sa puso.

Chill ka lang heart, mamaya pa naman mangyayari ang milagro. 

"Right away, sir." Umiwas na ako ng tingin at umalis.

Napabuga na lang ako ng hangin nang makarating ako sa bar at ibigay ang order nila.

"Pustahan, may tinakbuhan ka na naman." Nilingon ko ang kararating na si Riza.

Ngumiwi ako na kaagad naman niyang nakuha ang ibig kong sabihin. "Alam mo na," sabi ko. Bumuntong hininga naman siya at walang magawa kung 'di pumayag na lang sa gusto ko.

Tulad ng usapan ay nagkapalit kami ng ise-serve ni Riza. Siya na ngayon ang magdadala ng mga orders sa VIP section at ako naman sa baba. Isang oras na rin ang lumipas pero hindi pa rin ako mapakali. Gusto ko na lang i-fast forward ang oras para makasama ko na si Radzmir.

Hindi dahil sa gusto ko siyang makasama. Nakakapagod lang talagang mag-serve ng drinks. At saka, gusto ko na ulit makahawak ng 50 thousand.

Pinambayad ko na kasi sa hospital bills iyong nakuha kong pera sa kaniya at iyong kalahati naman ay binigay ko sa kapatid kong kolehiyo na nag-aaral ng dentistry. May konti pang natira pero siyempre napunta iyon sa grocery at iba pang kailangan ko.

"Oh, mag juice ka muna, Ja." Ngumuso ako nang bigyan ako ng juice ng bartender.

"Hanggang kailan ko ba ipapaalala sa'yong 'di na ako bata para mag juice lang, Ralph," sabi ko sa kaniya pero tinawanan lang niya ako. Inirapan ko tuloy.

Mas matagal na akong nagtatrabaho sa Dreamescape kaya halos lahat ng co-worker ko ay kilala at medjo close ko na. Friendly naman kasi ako kaya hindi sila nahihirapang makipag-close sa akin.

Sa kalagitnaan ng pag-inom ko ng juice ay may masungit na tumawag sa pangalan ko. Ano na naman kayang kailangan niya at hinahanap niya ako.