KABANATA 7

Nilahad ko ang puting envelope sa harap ni madam Jing. Tinaasan naman niya ako ng kilay.

"Pera ba 'yan?" aniya at kinuha iyon ngunit mas lalong tumaas ang kilay niya nang malaman kung ano ang nasa loob.

"Ano 'to?!" inis na tanong niya.

Nakita na nga niya ang nilalaman ng envelope na 'yon tatanungin niya pa ako. Hindi ba siya marunong magbasa?

"Resignation letter, madam," tipid na sagot ko.

"Alam ko. Ang tinatanong ko, bakit ka magre-resign? Akala ko ba kailangan mo ng pera? H'wag mo sabihing nabingwit mo ang mayamang nag-renta sa'yo kahapon, at balak ka nang pakasalan ngayon. Naku Ja, inakit mo siya kahapon, 'no? Ang sabi niya sa'kin kahapon ay kakausapin ka lang pero mukhang may iba pa kayong ginawa. Umamin ka nga, magre-resign ka kasi ikakasal ka na sa mayaman, 'no?" mahabang saad niya.

Bumuntong hininga ako para pakalmahin ang sarili.

"Hindi, madam. May nahanap lang akong trabaho na mas madali pero mataas ang sahod. Iyong sinasabi mong lalaki ay siyang amo ko. Gusto ko lang ng mas maayos at permenenteng trabaho kaya ayan, resignation letter," pagdadahilan ko. Binabayaran naman talaga niya ako kaya parang trabaho na rin iyon.

Balak ko nga sanang sa 7/11 ako mag-resign pero si Radzmir na ang nagsabing mag-resign na ako sa pagiging waitress. Noong una ay tumanggi ako dahil sayang naman ang makukuha kong sahod sa pagiging waitress pero kaagad din akong pumayag noong inalok niya ako ng one-hundred thousand per month. Ibang usapan pa rin kapag sa kama na. Sa laki ng perang makukuha ko, tatanggi pa ba ako?

"Tsk! Oh siya sige, pero kung kailangan mo ulit ng trabaho, magsabi ka lang," sabi niya, hindi pa rin nagbabago ang masungit niyang mukha. Ngumiti na lang ako ng malaki at nagpasalamat.

Masungit si madam Jing pero mabait pa rin naman siya kaya hindi nawawala ang respeto ko sa kaniya.

Pagkatapos kong mag-resign ay kaagad akong umuwi para maglaba. Nagpapa-laundry ako pero dahil wala pa naman akong trabaho napagpasiyahan kong maglaba na lang at maglinis ng apartment. Pinalitan na rin kasi ang schedule ko sa 7/11, at bukas pa ako magsisimulang magtrabaho.

Alam kong sapat na ang perang makukuha ko kay Radzmir pero sanay na akong may trabaho kaya hindi ko rin matiis na hindi magtrabaho. Hindi rin naman sure na magtatagal kami ni Radzmir dahil paniguradong makakahanap din siya kaagad ng bago. Iyong mas maganda, mas sexy, at mas bata. Iyon naman ang mga tipo ng mga katulad niyang mayayaman kaya hindi ko rin siya masisi.

Ang tanong, papayag ba akong makakahanap siya ng ipapalit sa akin? No! Never! Ngayong nakuha ko na siya, hahayaan ko na lang bang mangyari iyon? Siguro isa o dalawang taon ay sapat na para makapag ipon ako gamit ang pera niya. After that, I'll set him free. Iyon ay kung hindi pa siya mahuhulog sa akin.

Kung mahulog man siya sa akin at handa siyang ipaglaban ako, aba siyempre, makikipagbakbakan din ako sa mother at asawa niyang mayayaman. Hindi naman siguro ako makukulong at mamamatay dahil paniguradong poprotektahan ako ni Radzmir.

"Haayy..."

Ano ba yan! Hindi pa nga kami nag-uumpisa malayo na ang narating ng imagination ko. Pero okay na iyong handa para at least alam ko ang gagawin ko kung sakali man. Planado ko na ang lahat, gagawin ko na lang.

Ngumuso ako at sumilip sa cellphone kong nakapatong sa sink. Kaninang umaga ko pa hinihintay ang text o tawag niya dahil nag-exchange numbers kami kahapon pero hanggang ngayon ay wala pa rin siyang paramdam.

Hindi naman si*uro niya ako i*-ghost, 'no? Baka busy lang siya sa trabaho. Baka mamayang gabi pa siya makikipagkita. Katawan ko lang naman ang habol ng lalaking iyon sa akin.

Paglalaba, paglilinis, nakapag-grocery na rin ako, at lahat ng kailangan ko pang gawin ay ginawa ko na pero wala pa rin talagang text o call na galing sa kaniya.

"Problema mo?" tanong ni Karina habang nagpupunas ng buhok. Tapos na ang shift niya, at katatapos niya lang maligo pero sa sala agad ang diretso niya, at alam kong may gusto na naman siyang sabihin.

"Pera," tipid na sagot ko. Sinamaan tuloy niya ako ng tingin kahit seryoso naman ang sagot ko.

Malapit na kasi ang exam ng kapatid ko, at malamang hihingi na naman siya ng pambayad at allowance. Private pa naman ang school niya at dentistry ang kurso niya. Mauubos na naman ang ipon ko ng wala sa oras.

"Kailangan mo ng pera pero nag-resign ka sa trabaho mong nagpapasahod sa'yo ng mas malaki. Ano bang nakain mong gaga ka at nag-resign ka?" nakapamewang na tanong niya.

"Ayoko na doon eh. May ipon pa naman ako plus 'yong nakuha kong pera kay Radzmir. Maghahanap na lang ako ng bagong trabaho," pagsisinungaling ko.

Ayokong sabihin sa kaniya ang totoo dahil baka suwayin niya ako. Alam kong mali ang ginagawa ko pero kailangan. Nagkasundo naman kami ni Radzmir at okay na 'yon. Ang importante may malaki akong makukuhang pera.

"Asus!" umupo siya sa harap ko at kumain ng brownies na ni-bake ko kanina.

"Siya nga pala, engagement ng boss ko at pinayagan niya akong isama ka sa party. Sama ka para naman may kasama akong mag-hunting ng mga poging mayayaman," sabi niya at humagikhik pa.

"Gaga! Sige," saad ko, pareho kaming natawa.

"Akala ko ba may boyfriend ka na?" saad ko nang magsawa na ako kakatawa. Natigilan naman siya at umirap sa ere.

"Akala ko nga rin e," aniya kaya kinunutan ko siya ng noo. "Dating pa lang kami noon. Sa sobrang excited ko, sinabi kong boyfriend ko na siya ayun tuloy, naudlot. Bwisit! Gusto lang pala akong maka-sex ng gago! Kaya pala ang gentlemen niya sa'kin. Mga lalaki talaga, hindi marunong pakalmahin ang mga tite nila! Akala mo naman sobrang laki e," dagdag niya. Halata sa mukha at pananalita niya ang sobrang pagkainis sa dati niyang ka-date.

Natawa ako. Maski ako ay aware na maraming lalaki ang katawan lang ang habol sa aming mga babae kaya paswertehan na lang kung may makahanap ng lalaking nagmamahal ng totoo. Kaya nga simula noong nag-break kami ng first love ko na sobrang nagpaiyak sa akin ay hindi na muli akong naniwala sa mga love na 'yan.