Kabanata 2

Malakas na musika agad ang bumungad sa akin pagkapasok ko pa lang sa Dreamescape Club. Sanay na ako kaya wala na sa akin ang maingay na lugar.

"Late ka ng 30 minutes, hanggang alas kwatro y media ka ngayon."

Napabusangot na lang ako nang bumungad sa akin ang nakataas na kilay na manager ko, si madam Jing. Sa edad na kuwarenta malakas pa rin siyang humithit ng sigarilyo. Walang asawa at anak kaya laging nagsusungit.

Dapat ay hanggang alas tres y media lang ako tuwing Lunes pero dahil nahuli niya akong late kailangan kong mag-overtime. Sobrang kulit kasi ni Karina kaya natagalan ako sa pag-alis.

"Opoo," saad ko. Napaubo pa ako nang bugahan niya ako ng sigarilyo bago umalis.

Nagsimula na rin akong magtrabaho ngunit sa kalagitnaan ng trabaho ko ay nakita ko ang isang pamilyar na lalaki. Nanlaki ang mga mata ko nang ma-realize kung sino ito kaya dali-dali akong tumakbo at inagaw ang dalang tray ni Riza, ang co-waitress ko.

"Ako na. Saang table?"

Kumunot ang noo niya pero napabuntong hininga na lang siya dahil wala na siyang magagawa. Madalas ko kasi siyang agawan ng tray sa tuwing may tinatakbuhan akong customer o mga kakilala kong iniiwasan ko tulad ng lalaking 'yon.

"Second floor. VIP," aniya at nginuso ang table sa taas.

Madilim ngunit nakikita ko pa rin ang mga customer na naroon. Mukhang magbabarkada dahil marami sila. Salamin lang din ang nagsisilbing bakod ng floor.

Tumango ako sa kaniya at tinungo ang second floor. Mga naghahalikan kaagad ang bumungad sa akin ngunit hindi na bago 'yon sa akin. Ang iba naman ay nanonood lang sa first floor habang nakasandal sa glass balustrade. Pumunta ako sa table kung saan nakaupo ang dalawang lalaki at tatlong babae.

Halos mabitawan ko ang wine nang makilala ang lalaking may nakakandong sa kaniyang babae. Kinalma ko muna ang sarili bago lumapit sa kanila at salinan ng wine isa-isa.

"Hinanap kita kagabi sa condo mo pero wala ka. Saan ka ba pumunta?" Rinig kong tanong ng babaeng nakakandong sa kaniya.

Mahinhin ngunit maarte ang pananalita. Halata talagang laking mayaman. Hindi ko makita ang mukha dahil nakatalikod ako sa kanilang dalawa pero paniguradong maganda siya.

Kung alam mo lang na habang hinahanap mo siya, nakapatong siya sa akin at nagpapakasarap.

"Work." Malalim, malamig at matigas ngunit kalmadong tipid na sagot ni Radzmir.

"Where? I called your secretary, but he's not answering. Halos puntahan ko na si Tita para magsumbong."

"You're being clingy, Kellen. You don't always have to be by my side."

"Why not? I'm your wife. You should be proud of that. Also, a wife should always be by her husband's side. Si Tita ang nagsabi."

Natigilan ako at halos mawalan ng balanse sa pagsalin ng wine. Halos pagpawisan ako ng malamig sa narinig.

Tangina!? May asawa na pala siya. Bakit hindi ko 'yon alam? Siniguro ko namang nagresearch ako tungkol sa kaniya bago nagpatira sa kaniya. Masiyado bang pribado ang marriage niya at maski ang media ay hindi iyon alam?

"By the way, Tita and I talked about revealing our marriage soon--"

"Enjoy your night, ladies and gents," saad ko sa gitna ng nanginginig na mga labi.

Tumigil ang dalawa sa pag-uusap ngunit hindi ko 'yon pinansin. Humarap muna ako sa kanilang dalawa bago umalis. Nagtama ang paningin naming dalawa nang sumulyap ako sa table nila bago tuluyang marating ang hagdan.

Tulad ng sinabi ni madam Jing, nag-overtime ako kaya bagsak na bagsak ang katawan ko nang magdikit ang balat ko sa malambot na kama.

Ganito talaga ang reyalidad. Kailangan kong magpuyat at magpagod para kumita. Wala akong ibang katulong sa buhay kung 'di si Karina lang ngunit hindi naman ako pwedeng umasa sa kaniya pagdating sa pera dahil marami siyang pinapaaral at may malaki pa silang utang. Kailangan kong kumayod ng kumayod para sa pangangailangan lalo na't may pinapaaral din ako.

Kaya hindi ako makatanggi noong sinabi sa akin ni Karina na may gustong magbayad ng malaki para sa isang gabing kasama ako. Nakita ko naman ang lalaki at hindi dugyot kaya agad akong bumigay. Mukhang ako nga dapat ang magbayad sa kaniya dahil siya ang gumawa ng lahat habang ako ay umuungol lang at nagpapakasarap. Bitin nga sa'kin ang isang gabi eh.

Bumuntong hininga ako bago pumikit. Sa pagod ay agad akong dinalaw ng antok.

"Te, gising! Alas diyes na! Nakalimutan mo atang mag-alarm."

Kumunot ang noo ko ngunit agad din akong bumangon nang maalalang may trabaho nga pala ako mamayang alas dose y media bilang cashier sa 7/11. Dinampot ko agad ang cellphone kong nasa table. Hindi ko pinansin si Karina na nagsusuklay.

"Nakalimutan ko pa lang magcharge kagabi," saad ko nang makitang dead battery ang cellphone ko.

Kaya pala wala akong narinig na alarm dahil patay ang cellphone ko. Naka-set naman ang alarm ko every week kaya nagtataka ako kung bakit hindi iyon tumunog.

"Bakit ka ba nasa kwarto ko? May trabaho ka ngayon, 'di ba?" tanong ko sa kaniya.

"Nakalimutan mo ring i-lock ang pinto mo. Saka ganitong oras gising ka na kaya pinuntahan kita baka hindi na naman tumunog ang alarm mo. Umabsent din ako kasi may lakad ako mamaya."

Tumango-tango na lang ako at pumasok sa banyo. Hindi pa ako nakakapasok ay agad akong tumigil dahil sa ginawang pagsunod sa akin ni Karina. Nakangising aso rin siya. Kumunot ang noo ko at akmang hindi siya papansin ngunit hinila niya ako pabalik ng kama.

"Umagang-umaga, Karina, huwag mo akong umpisahan," pagbabanta ko ngunit tinawanan niya lang ako.

"Teka lang. Sorry, hindi ko na matiis kaya sasabihin ko na. Saka tanghali na bff ah."

Lalong nagsalubong ang kilay ko ngunit hinayaan ko na lang siyang magsalita.

"Si Mr. Al-Andas..."

Kaagad niyang nakuha ang atensyon ko dahil sa binanggit niyang pangalan. Nang mapansing interesado ako ay mas lalong lumaki ang ngisi niya.

"Gusto ka niya ulit makasama mamayang gabi. Sigurado akong another 50k na naman ang sasahurin mo mamaya," kumikislap pa ang mga matang aniya.

Natigilan ako sa kaniyang binalita ngunit hindi ko iyon pinahalata. Gusto ko sabihing may asawa na siya at maling sumama sa kaniya dahil ayokong sabihan ng kabit ngunit hindi ko magawang tumanggi dahil malaking pera ang kikitain ko.

Hindi ko naman aagawin ang asawa niya. Pagpeperahan ko lang ang asawa niya hangga't hindi pa siya nagsasawa.