Kabanata 26.1

Iniwas ko ang paningin ko kay James dahil hindi niya inaalis sa akin ang paningin niya. Pinanuod ko na lamang si Samuel na nangunguha ng pagkain sa hindi kalayuan. Panay din ang lapit ng mga kababaihan sa kaniya, napapataas na lamang ang kilay ko dahil sa ginagawa nila. Sinusundan nila si Samuel kung ano man ang kinukuha nito. Ganiyan ba talaga ang epekto ng isang Del Rosario? Tssss.

“Huwag kang mag-alala hindi naman nila maaangkin ang puso niya.” kunot noo ko namang nilingon si James na siyang nagsalita sa harap ko.

“Anong ginagawa mo rito?”

“Hindi ba ako pwedeng dumalo sa ganitong party?”

“Hindi iyun ang ibig kong sabihin, bakit ka lumapit dito?”

“Bawal ka na bang lapitan ngayon?”

“Yes, she’s my wife and don’t you dare to go near her.” napatingin naman kaming dalawa kay Samuel na kadarating, ibinaba niya naman sa harapan ko ang pagkain ko at ibinaba niya naman ang kaniya. “Maraming mata ang nanunuod sa ganiton