Kabanata 26.2

Nabitawan ko ang hawak hawak kong wine glass at nauna na iyung bumagsak sa pool habang ako naman ay binabalanse ko pa ang katawan ko subalit hindi ko nagawa. Naipikit ko na lamang ang mga mata ko ng babagsak na ako sa pool. Ramdam ko ang hapdi sa mukha ko dahil nauna iyung humampas.

Sinubukan kong abutin ang sahig ng swimming pool subalit kahit gaano ako katangkad ay hindi ko iyun maabot. Gaano ba kalalim ang pool na ‘to?! Iminulat ko ang mga mata ko at sinubukan kong lumangoy pataas pero hindi ko iyun magawa dahil sa bigat ng suot ko. Hindi ako marunong lumangoy! Damn you Ava!

Palalim na ako ng palalim, wala man lang bang gusto akong tulungan?!

Nauubusan na ako ng hininga, mula sa kinalalagyan ko ay rinig ko ang pagbagsak ng kung sino man sa pool. Nakatalikod ako sa kung saan ako sinipa ni Ava at hindi ko alam kung saan bumagsak ang narinig ko kanina. Naimulat ko na lamang ang mga mata ko ng maramdaman ko ang isang bisig na binuhat ako. Tiningnan