Chapter Fifty-one

NAKAUPO sa harap ng maliit na dining table nito si Megara habang nakatulala at patuloy na iniisip ang mga bagay na nalaman niya.

Nagsalin siya ng alcohol sa baso niya na puno ng ice cubes. Matagal niya iyong tinitigan bago nilingon ang ibabaw ng kama kung saan naroon ang isang bouquet ng mga bulaklak ng peonies, isang middle size na teddy bear, at isang box ng expensive chocolate.

Kanina lang ay natanggap niya ang mga ito mula sa isang delivery guy. Galing kay Russel ang mga ito. Nalaman niya iyon dahil sa maliit na card na kalakip ng mga bulaklak.

Nagbuga siya ng hangin bago binawi ang tingin at diretsong nilagok ang alak na laman ng baso niya. Nakasulat sa card na babalik ito mamayang gabi.

Marahas niyang ibinaba ang baso at matalim na tumitig sa kawalan. Iniisip niya kung ano ang puwedeng gawin para makaganti sa asawa at sa kabit nito. Gusto niyang mag-iwan ng isang alaala na hindi malilimutan ng dalawa bago siya tuluyang umalis.

Aaminin niya, a