Chapter Fifty

ILANG beses na lumunok si Megara matapos marinig ang sinabi ni Russel. Hindi magawang magsalitang tinitigan niya ang buong mukha nito. Nakikita niya ang lungkot sa mga mata ng lalaki.

Huminga siya nang malalim bago nag-iwas ng tingin. Pilit niyang iniisip ang mga sinabi nito sa kaniya, lalo na ang sakit na tinutukoy nito.

Napapailing siyang muling nag-angat ng mukha sa asawa. "I don't understand."

Mariin itong pumikit saka humugot ng malalim na hangin. Muli nitong kinuha ang kamay niya at malungkot iyong tinitigan. Halata na nahihirapan itong magsalita—hirap na hirap sa pagsasabi sa kaniya ng totoo.

"I was a teenager back then. Isang taon bago ako tuluyang iniwan ni Papa, I met a girl named Jandra Santos. She was a nursing student, a few years older than me. Naging girlfriend ko siya at ilang beses may nangyari sa amin bago ko tuluyang nasabi sa kaniya ang tungkol sa kondisiyon ko."

Nag-angat ito ng tingin sa kaniya. Nakita niya ang pamumula