Chapter Twenty-three

MATAPOS ipakilala sa mga potential investors para sa kompanya nila, sandali siyang iniwan ni Narissa upang sumama sa babaeng lumapit dito.

Naiwan naman siyang nakikipag-usap sa ilang cousins ni Rio Frando na pawang mga nasa business industry lang din. Pinag-uusapan ng mga ito ang binabalak niyang muling pagbubukas ng hotel na nabili niya sa lalaki.

Habang masayang nakikipag-usap sa mga matatanda, tuluyan siyang nilapitan ni Rio Frando matapos nitong magbigay nang kaunting speech para sa mga bisita nito.

"I'm really glad you came to my party. The truth is, before I go, I planned to meet with you."

Humakbang sila at lumapit sa cocktail table na nasa pinakadulo at walang masiyadong mga bisita.

Matapos sumimsim ng alak ay tinanguan niya ang negosiyante. "May I know the reason why you wanted to meet with me?"

Nagpakawala ng malalim na hangin ang lalaki. Ibinaba nito sa ibabaw ng cocktail table ang glass na puno champagne saka iginala ang paningin