Chapter Twenty

NAPABUNTONG-HININGA si Russel matapos mabasa ang mensahe ni Narissa. Nagpadala ng good morning message sa kaniya ang babae kaninang umaga nang magising siya, pero hindi niya iyon sinagot.

Hindi naman ito tumigil. Nagpatuloy ito sa pagpapadala ng mga bastos na text messages; katulad na lamang ng kung ano ang gusto nitong gawin sa kaniya oras na magkita sila mamaya. Sunod-sunod pa itong nagpadala ng mga bastos na mensahe na katulad ng kung anong position ang gagawin nila mamaya.

Nagbuga siya ng hangin bago nilapag sa mesa niya ang selpon. Matapos nilang magtalik kagabi, napag-usapan nila na magkikita lang sila sa labas ng opisina niya at sa tuwing tapos na ang kaniyang trabaho. Nagkasundo rin sila na magkikita sa labas, saka pumunta sa isang hindi kilalang hotel.

Pinatawag niya si Aliyah at ipinadala ang mga papeles na kailangan niyang pirmahan at pag-aralan. Balak niyang tapusin ang lahat nang mas maaga dahil gusto niyang makipagkita sa dalaga nang maaga rin.<