TRES 25

TIANA

NAKATAYO ako sa labas ng mall kung saan ko nakita noon ang babaeng sa mga larawan ko lang nakilala. Ilang araw na rin nawala sa isip ko ang tungkol sa kaniya, pero dahil sa mga nangyayari, at sa mga sinabi ni Tres, hindi ko mapigilang hindi isipin kung totoo ba ang nakita ko noong araw na iyon o hindi.

Bawat babaeng lumalabas at pumapasok sa mall, mataman kong tinitingnan. Nagbabakasakali akong muli siyang makita. Gusto kong kumpirmahin na namalik-mata lang ako at hindi totoong buhay siya.

Mahigit kalahating oras ko nang ginagawa ito, nang bigla na lang akong matigilan. Naramdaman ko ang pagtulo ng mga luha sa pisngi ko. Nangangatog ang mga tuhod ko at kumikirot ang puso ko.

Bakit ko pa ba ginawa ang paghihiganti na ito? Kung alam ko lang na ganito ang mangyayari, na doble ang sakit na mararamdaman ko, nagpakalayo-layo na lang sana kami ni Sixto.

How can I let him go now? Ang lalaking tangi kong minahal, ang ama ng anak ko. Araw-araw na lang, nagigising akong siya ang hinahanap