The Billionaire's Unwanted Baby

ISA

"Buntis ako."

Inabot ko kay Uno ang pregnancy test kit na may dalawang pulang guhit. Hindi niya ito tinanggap. Sa halip, tiningnan niya lang ako nang nakakainsulto.

"Anong tingin mo sa akin—tanga?"

"Uno... "

"Paano ako makakasiguro na ako nga ang ama ng pinagbubuntis mo?"

Malungkot akong nagtungo ng ulo. Paano ko nga ba siya paniniwalain na siya ang ama nito?

"I-ikaw ang first ko—"

"But that doesn't mean I'm the only guy who fucks you."

Inosente akong nag-angat ng paningin para makita ang reaction niya. Madilim ang mukha niya at kahit ang mga mata niya, matalim kung tumitig sa akin.

"Umalis ka na, Isa. Darating ang girlfriend ko at ayaw kong abutan ka niya rito."

Humarap siya sa maliit na bar countertop sa loob ng silid niya at nagsalin ng mamahaling alak sa baso.

"Uno—"

"Damn it!"

Napasinghap ako sa gulat nang malakas niyang ibato ang hawak niyang baso sa pader na nasa likuran ko.

"Hindi mo ba ako narinig? Gwen and I just got back together! Ayaw kong magkasira ulit kami nang dahil lang sa iyo!"

Nangilid ang mga luha sa pisngi ko dahil sa mga salitang pinakawalan niya.

"Kung wala kang balak panagutan ako, sana hindi mo na lang ako ginalaw."

"Malay ko bang bibigay ka agad? Napaka-easy-to-get mo! And how old are you again? Eighteen? Damn it! Ang bata mo pa pero nagawa mo nang magpagamit sa akin! Bakit? Dahil mayaman ako?"

"Dahil mahal kita!"

Pinagtawanan niya ako sa sinabi ko. "Mahal? Hindi mo alam ang salitang pagmamahal. May gatas ka pa sa labi, fuckshit!"

"Kung sa tingin mo, bata pa ako, sana hindi mo ako dinala sa kuwarto mo at pinabukaka!"

Natigilan siya. Nakita ko kung paanong tumigas ang mukha niya. "Get out, Isa. While I'm still being nice to you!"

Hinaplos ko ang tiyan ko na hindi pa rin halata sa unang tatlong linggo nito.

"Paano ang bata? Hindi ko kayang buhayin ito nang mag-isa."

"Abort it."

Hindi ako makapaniwala sa mga narinig. Kahit sabihin pang hindi niya ako minahal—na panakip butas lang ako para sa kaniya, anak niya pa rin itong dinadala ko!

"I don't care about that thing inside you. Buhayin mo iyan o ipalaglag mo, wala akong pakialam. Just get out of my life!"

Lalong bumuhos ang masaganang luha sa pisngi ko. Nasasaktan ako para sa batang ito. Nasa loob pa siya ng tiyan ko pero isinusuka na siya ng sarili niyang ama.

Pinili kong tumalikod at iwan si Uno. Tinalikuran ko ang lalaking pinagkalooban ko ng puso't katawan ko na nagresulta sa isang biyaya.

Hindi ko ipalalaglag ang batang ito. Kahit gumapang pa ako sa lupa, gagawin ko ang lahat upang mabuhay siya at mapalaki nang maayos.

Pagbukas ko ng pintuan, natigilan ako nang bumungad sa akin ang galit na mukha ni Gwen. Ang girlfriend ni Sir Uno.

"Ma'am Gwen?"

Naniningkit ang mga mata niyang nakatingin sa akin. "Malandi ka!"

Halos matumba ako sa sahig nang bigyan niya ako ng malakas na sampal sa pisngi. Hindi pa siya nakuntento dahil hinila niya ang buhok ko at pinagsasampal ulit ako.

"Anak ka lang ng katulong pero napakalandi mo!"

Sinabunutan niya ako sa buhok at kinaladkad papunta sa hagdan. Nagmamakaawa ako sa kaniya na itigil niya ang ginagawa dahil buntis ako, pero lalo lang siyang nagalit.

"Lumayas ka rito! Mang-aagaw!"

Malakas akong sumigaw nang itulak niya ako. Nahulog ako mula sa tuktok ng mataas na hagdan.

Halos mawalan ako ng malay nang bumagsak ang katawan ko sa malamig na sahig. Pinilit kong abutin ang tiyan ko nang maalala ang bata sa sinapupunan ko.

Nangilid ang mga luha sa pisngi ko nang makakita ng dugo sa pagitan ng mga hita ko.

"Anak ko... "

Sinubukan kong humingi ng tulong kay Uno, pero nakatayo lang siya sa tuktok ng hagdan. Walang pakialam na nakatingin sa akin.