Chapter 18 Annulment? No!

KABADONG kabado si Celestina. Hindi niya nga rin maintindihan sa kanyang sarili kung bakit hanggang ngayon ay ganoon pa rin siya at hindi na nasanay. Dapat ay hindi na siya nakakaramdam ng ganito pero heto siya at nanlalamig ang mga kamay at talampakan.

Dinala siya ng elevator sa last floor at tumambad sa kanya ang isang malawak na pasilyo. Bukod sa mahaba at malapad kasi ang area ng kinatatayuan ng building, itong floor na ito kasi ay mukhang anim lamang talaga ang opisina na mayroon. Kahit saang bahagi yata ng floor na ito madaan ang mga mata niya ay puro marmol na itim, puti, gray at cream brown ang kulay.

May mga tag ang anim na pinto roon. Isa sa planning department, main meeting room one, main meeting room two, files and contract room, Mr. Arboleda's office and lastly, CEO/President-Owner na located sa pinaka dulo at pinakamalaking opisina also labeled as Room six.

Maglalakad na sana siya patungo sa pinto na may nakasulat na Mr. Arboleda's office pero natigilan siya nang makitan