Chapter 9: The Threat

“Mauna na po ako, Ma’am Dorothy,” ani ng guwardiyang naka-assign sa ground floor ng gusali nang iabot niya ang logbook para pirmahan. Tahimik lang na tumango si Dorothy, suot pa rin ang itim na blazer mula sa kanilang pagbisita sa matandaang Velasco. Wala pa ring tulog, wala pa ring kapanatagan.

Nang sumakay siya sa elevator, pinilit niyang iwasang manginig ang kanyang mga daliri. Kailangan niyang magpakatatag. Para kay Agatha. Para sa sarili niya. At para sa kasunduang unti-unti na ring binubura ang mga hangganan.

Pagkabukas ng pintuan ng kanyang unit, sinalubong siya ng katahimikan. Wala si Theodore. Nag-text itong may biglaang meeting at babalik daw bandang alas-nwebe. Alas-otso pa lang. Isang oras ng katahimikan.

Isang oras ng takot.

Naupo siya sa sofa, tinanggal ang sapatos, at ipinikit ang mga mata. Ngunit bago pa siya tuluyang makarelaks, tumunog ang cellphone niya, isang mensaheng walang pangalan, walang contact, walang profile.

“Kapag hindi ka tumigil, susunod ka sa tiyahin m