Kabanata 6 Secret Love Affair

“No! Hindi ako payag na maging katawa-tawa at kaawa-awa sa paningin ng iba,” angil ni Bella kina Jace at Maecy. Ramdam niyang unti-unting tumutubo ang mga sungay sa ulo niya. Hindi siya papayag na maapi at matapakan ang kanyang pagkatao lalo at siya ang nasa tama.

Napabuntunghininga na lang ang binata. “Well, we just inform you, hindi naming kailangan ng permiso mo do to whatever we want. Ginusto mo ang sitwasyong ito. Kung hindi ka nakialam sana ay masaya kami ni Maecy na nagsasama bilang mag-asawa.”

Pagkadinig niya ay sinugod niya ang babae sa harapan. Sinabunutan niya ng matindi baka sakaling magising sa katotohanan. At kagaya kanina hindi ito lumaban, umiyak lang at nagpa-awa sa asawa niya. Kagaya ng inaasahan, umawat si Jace at muli itong kinampihan.

Nagdilim na talaga ang paningin niya. Muli niyang sinugod ang babae at this time may kasama ng sipa at tadyak. Never in her life, has she imagined she can do this violence. At isang malakas na tulak ang nagpagising sa kanya galing sa lalaking wala siyang ginawa kundi ang mahalin. Bumalandra ang katawan niya sa matigas na sofa at tumama ang ulo niya sa arm rest ng upuan. Nagkabukol yata siya. Sapo niya ang ulo at tarantang lumayo sa dalawa at pumasok sa loob ng kwarto.

Napaupo siya sa likod ng pinto. Hindi niya namalayan na kusang pumatak ang luha sa kanyang mga mata. Kusang umalis ang dalawa. Labis ang galit niya. Galit kay Jace at Maecy at sa kanyang sarili. Mas lamang ang galit niya sa sarili. Siya ang may kasalanan. Isinisiksik niya ang sarili sa lalaking hindi siya iniibig.

Ang pangarap niya ay mauuwi yata sa bangungot! But she’s willing to wait and do everything to win his heart. Hindi siya susuko. Asawa na niya ito.

Nagulat pa siya ng pagbangon niya kinabukasan ay nadatnan ang binatang nagkakape sa kusina. Madalas paggising niya ay wala na ito. Pumasok na sa unibersidad.  Habang siya ay hindi muna pumapasok. At ngayon ay iniisip niya kung tama ba ang ginawa niyang pamimikot kay Jace kapalit ng kinabukasan niya.

“Dapat malaki na tiyan mo, three months had passed. Anong ibig sabihin niyan?" nakatunghay ito sa tiyan niya.

Kinabahan siya sa tanong nito. Minabuti niyang huwag kumibo. Ayaw niyang mabisto na hindi talaga siya buntis, baka iwan siya nito ng tuluyan at sumama kay Maecy.

Hinawakan siya nito sa braso ng madiin ng hindi siya nagsasalita.

“Tapatin mo ako! Buntis ka ba talaga?” Halos mabali ang buto niya sa higpit ng hawak ng asawa.

“Maliit lang ako magbuntis,” mahinang sabi niya.

 “Kung totoong buntis ka, sino ang ama?!” gigil ang boses nito. Nilamutak nito ang kanyang mukha at pilit inaangat.

Nag-init ang ulo niya. Hindi na niya kayang pakibagayan ang pakikitungo nito sa kanya. Pakiramdam niyang ang sungay niya ay may kasama ng buntot. And anytime the beast of her will come out and eat him alive.

“Wala ka ng pakialam kagaya ng hindi ko pakikialam sa inyo ni Maecy! " pabulyaw niyang sagot. Pilit siyang kumakawala sa pagkakahawak nito.

Tumakbo sa banyo upang makaiwas na. Ayaw niyang makipag-away. Gusto niyang unawain ang binata. May gahiblang pasensya pa siyang natitira.

Ngunit napigil siya nito at muling nahawakan sa pulsuhan. “Oh, I get it, patuloy pa din ang relasyon mo sa gagong ama ng anak mo!” nagngangalit ang mga ngipin nito.

Napangiwi siya sa sakit, pilit nitong hinaharap ang kanyang mukha. Leeg na niya ang hawak nito.

Gusto na niyang bumunghalit ng iyak. Punong-puno ng sama ng loob ang dibdib niya. She didn’t deserve this treatment. But this was all her choice. Siya ang may kasalanan kung bakit siya nalagay sa ganitong sitwasyon. Kaya wala siyang karapatang magreklamo. Pero may karapatan siyang ipagtanggol ang sarili.

“Oo! patuloy kaming nagkikita at nagsisiping, kagaya ng ginagawa ninyo ng kabit mo!” Bumitaw na ang bait niya sa sarili. Gusto niyang makaganti sa sakit na nararamdaman.

Agad siyang nagsisi. Nakita niyang nagdilim ang paningin ni Jace ng marinig ang sinabi niya.

Nilabanan niya ang takot sa nakikitang galit sa anyo ng binata. Gusto niyang makaganti kahit sa ganitong paraan.

“At dito, sa sarili mong condo namin ginagawa ang pagtataksil dahil lagi kang wala! Pinagtatawanan ka ng ibang tao!” animo na siya baliw.

Iyak at tawa. Masarap pala ang manakit ng taong nananakit sa iyo. She felt better.

Pulang pula ang mukha ng binata sa galit. Alam niyang hindi ito nananakit ng babae. Mukhang ito ang sa kauna-unahang pagkakataon. Halos madurog ang mga ngipin nito sa pagtitimpi. Ngunit hindi na nito kinayang awatin ang sarili. Dumiin ang pagkakahawak nito sa kanyang leeg!

Hindi ipinahalata ni Bella ang takot na gumagapang sa katawan. “Bitawan mo ako!”

Ibinalibag siya nito sa kama. Tumalbog ang katawan niya at nahulog siya sa sahig.

“Yes, pinikot kita hindi dahil mahal kita kundi dahil ayoko lang mabuhay sa hirap! Tignan mo naman I don't have to work, my allowance ako and I can buy everything! Nakatali ka sa akin, at ang pakasalan si Maecy ay sa panaganip mo na lamang mangyayari. Hinding hindi kita papakawalan kahit ano ang mangyari!” nakangiti niyang sabi sa binatang nagbubuga ng apoy ang mga mata.

Muli siya nitong nilapitan at pilit itinatayo. Hinila nito ang kanyang braso. Hindi niya alam kung saan galing ang kanyang lakas. Itinulak niya ito. Pakiramdam niya ay kaya niyang bumuhat ng isang malaking refrigerator ng mga sandaling iyon.

“Yes, oportunista ako, kapag naging asawa kita, ang lahat ng iyo ay akin na din!” dugtong pa niya.

Naging isang linya ang mga labi ni Jace sa tindi ng pagpipigil na muli siyang saktan.

“Magpasalamat ka at may bata sa sinapupunan mo! Kung hindi ay baka kung ano na ang nagawa ko sa’yo!”

“Sige lang, saktan mo ako. Sanay na ako. Palagi mo naman akong sinasaktan. Ngayon lang ang pisikal, pero ang damdamin ko, manhid na sa pananakit mo! Pero hindi kita papakawalan. Hindi ko hahayaan na maging masaya kayo ni Maecy!”

Binitawan siya ng binata ang itinulak. Pinagsusuntok na lamang nito ang pinto at doon ibinuhos ang galit. Nagdudugo na ang kamay nito ng tumigil. Lumabas ng condo at ibinalibag ang pinto.

Tsaka niya mas lalong pinagsisihan ang lahat ng sinabi niya. Nasa huli talaga ang pagsisisi. Sana ay hindi na lamang niya ginalit ang binata. Sana.

***

Nagmamadali sa paghakbang si Jace ng tawagin siya ng receptionist ng condo. Itinago niya ang kamay na may dugo dahil sa sugat sa pagsuntok niya sa pinto.

“Sir, naiwan po ng Daddy ninyo ng huli siyang nagpunta dito,” sabay abot nito sa isang maliit na notebook na tila planner.

Isang hinala ang nabuo sa kanyang isip. Hinalang lalong nagpatindi sa galit na nararamdaman. Never in his life na dinalaw siya ng ama sa condo unit niya kahit pa noong nagkasakit siya.

“Kailan huling nagpunta si Daddy?" aniya sa kaharap.

“Kahapon lang po,” nakangiting sagot nito na halatang kinikilig sa atensyong ibinigay niya.

“Madalas po wala kayo pag dumadating siya, pero nandyan naman po si Ma'am Bella. Minsan po lumalabas sila o kaya sa loob lang nag-stay,” dagdag pa ng babae.

“Thank you,” sabay talikod niya. Ang apoy sa dibdib ay tila binuhusan ng gas upang lalong umalab.

Pupuntahan niya ang ama. He had never been this angry in his whole life! May relasyon si Bella at ang kanyang daddy! Mga walanghiya!