Chapter 31

Pagbalik ni Anikka sa puwesto niya ay sandali siyang napatitig sa screen ng computer pero wala doon ang iniisip.  Naghahalo ang kasiyahan at pananabik na muling makasama ang ama, kasabay rin ang pag-aalala sa kaligtasan nito.  Isa rin sa nagpapagulo sa isip niya ay ang pag-uusap nila ni Jayzee ngayon lang.  Malinaw na opisyal na silang magkarelasyon.  Kung dapat niyang ikatuwa iyon o ikatakot ay hindi niya alam.  Sa sarili niya’y alam niyang nahulog na ang loob niya rito, pero hindi siya naniniwalang kaya na nitong panindigan ang salitang ‘only one’.  Kapag naayos niya na ang kalagayan ng ama ay mananatili pa rin silang magkarelasyong dalawa dahil tuluyan din naman silang ipagkakasu