Chapter 20

Alam ni Anikka na lasing na siya dahil sandaling umikot ang paningin niya nang lumabas ng kotse at akayin siya ng binata papasok ng apartment niya.  Nagpanggap naman siyang maayos pa ang lakad para hindi mapahiya, pero hindi niya maipasok ang susi sa pintuan kaya’t kinuha sa kanya ng binata at ito ang nagbukas ng pinto.  Nang makapasok ay agad siyang umupo sa sofa samantalang si Jayzee ay tumuloy sa kusina at nagtimpla ng kape.  Nakapikit siya pero naririnig niya ang bawat kilos ng binata.  Matapos ang ilang sandali ay lumapit na ito dala ang dalawang tasa ng kape.