You Stole My Man, Now Your Old Man Is Mine

Akala ko, ang pinakamasakit na pagtataksil ay manggaling sa taong pinakamamahal ko. Hindi ko alam na mas masakit pala kapag pati ang matalik mong kaibigan ay kasabwat niya. Matapos akong lokohin ng fiancé kong si Rodrigo at best friend kong si Macy, namatay ako sa isang aksidente. Ngunit sa halip na tuluyang mawala, nagising ako sa katawan ni Chloe Mayer—ang bida sa isang tragic romance novel na minsan ko nang nabasa. Pamilyar ang lahat. Mayroon din siyang taksil na fiancé at best friend. Ngunit ang mas nakakagulat, ang ama mismo ng babaeng umagaw sa nobyo niya ang lalaking napangasawa niya na si Michael Anderson. Isang mayaman, biyudo, at limampu't apat na taong gulang na lalaking dalawampu't limang taon ang tanda sa kaniya. Sa orihinal na kwento, nagsimula ang kanilang pagsasama bilang paghihiganti. Ngunit nauwi iyon sa isang tunay na pagmamahalan, hanggang sa mapaslang si Chloe sa sabwatan ng kaniyang mga kaaway. Naiwan si Michael na wasak ang puso hanggang sa tuluyan ding mamatay dahil sa matinding pangungulila. Ngunit hindi ako ang dating Chloe Mayer. Alam ko ang magiging kapalaran namin, at hindi ko hahayaang maulit ang trahedya. Kung kailangan kong pakisamahan ang ama ng babaeng umagaw sa dati kong nobyo, gagawin ko. Pero sa pagkakataong ito, hindi lang sa paghihiganti iikot ang aming pagsasama. “You stole my man. Now, your old man is mine. And this time, I'll make sure the happy ending will be ours.”