KABANATA LXXII

"Hoy, ang tatagal ninyo naman kumilos!" sigaw ni Steve mula sa ibaba ng sala dahil nasa taas pa ang mga babae at nagbibihis pa.

Samantalang sila ay ayos na ayos na at naghihintay na lamang sa mga babae nilang mga kasamahan.

"Mauna na kayo sa sasakyan! Susunod na lang kami!" rinig nilang sigaw ni Venuz.

Wala namang nagawa ang mga lalaki kundi mapakamot na lang ng ulo at mauna na sa kanila pagbaba. Pagsakay ng elevator ay pinindot na nila ang huling ground floor kung saan doon naghihintay ang kanilang sasakyan. Ilang minuto lang ang lumipas ay nakarating din sila sa ground floor at lumabas na sila roon.

Nakita naman nila agad ang limousine na nasabing kanilang magiging sasakyan para sa lugar na kanilang pupuntahan. May nakatayo sa pintuan ng sasakyan na lalaki at tingin nila ay ito ang magsisilbi nilang bodyguard. Lumapit din sila agad sa pwesto nito at magalang na yumukod sa kanila at pinagbuksan pa sila nito ng pintua