Chapter Eleven

 

A Beautiful Curse

 

Hawak ni Alessa ang isang tasa ng mainit na kape habang nanonood siya ng pang-umagang balita sa 75-inch MicroLED television na nakapwesto sa sala. Kasama niya si Christelle na nakasuot pa ng pajamas nito at may hawak na isang malaking bowl na puno ng cereal.

Maya-maya ay lumabas si Baron mula sa kwarto nito na bagong-ligo at nakabihis. May sukbit itong backpack sa likod niya.

"Saan ka pupunta?" tanong dito ni Alessa.

"Pupunta kami ngayon nung ibang kasama sa private security team sa Senwell para i-check 'yung lugar. Tapos magka-conduct na rin daw ng maikling briefing para sa darating na dinner auction," tugon ni Baron na inaayos ang buhok sa harap ng salamin.

Tumango-tango si Alessa, bago sinamahan si Baron palabas ng safe house. Habang paalis si Baron, dumating naman ang isang limousine kung saan lumabas si Victoria. Magtatanong sana si Alessa kung saan ang lakad nito, pero nang makita niya si Jackson na palabas na ng bahay ay napagtanto niyang m