Chapter Ten

 

The Problem Child

 

Pumwesto si Christelle sa isang café na nasa harap ng Senwell Hotel and Casino. Naupo siya sa isang mesa na pang-isang tao lang at lumayo sa mga customers na nasa loob noong hapon na iyon. Umorder siya ng pagkain at inumin bago niya binuksan ang laptop at nagsimulang gawin ang trabaho niya para sa araw na iyon.

Una niyang hinack ang wifi ng Senwell Hotel and Casino at doon ikinonekta ang laptop na ginagamit niya. Ididispose niya rin kasi ang laptop na iyon pagkatapos, at kung ititrace man ang I.P. address na pinanggalingan ng hacker ay paniguradong babalik sa mismong hotel ang paghahanap kung sakali.

Pagkatapos noon ay binuksan niya ang website ng Senwell, at tiningnan ang FAQ section ng site na matatagpuan sa ibabang bahagi ng webpage na iyon. Habang binubuksan niya iyon, pumasok ang isang pamilya sa loob ng café para kumain. May dalawang bata na mukhang nasa junior high pa lamang at kasama nito ang mga magulang nila. Naupo ang pamilya sa isang mes