Chapter 16

LUMIPAS ang ilang buwan ay naging maayos ang panliligaw sa akin ni Clyde. Sa ilang buwan na panliligaw nito ay nakita ko na sincere ito sa ginagawa nito. Araw-araw din ako nitong sinusundo. Kaya bago ako lumabas sa sasakyan nito ay tumitingin muna ako sa buong parking lot bago bumaba.

Nauuna akong pumasok sa school tapos ay susunod ito.

Wala na din akong balita kay Kent. Baka nga nagsama na sila ng babae niya. Si Ate Selena naman ay naging okay na sa ibang bansa, pero mayroong nag-iba kay Ate Selena, di na siya ang dating kapatid ko. Parang ibang tao na ito. Siguro dahil nasaktan talaga ito ng labis.

Papunta ako sa opisina ko dito sa school ng may mamataan ako. Kumunot ang noo ko dahil si Clyde ang nakikita ko at si Joyce na naghahalikan. Gusto ko silang lapitan, pero pinigilan ko ang sarili ko.

Ang kaninang maamo kung mga mata ay napalitan ng mabalasik na mga mata. Galit kong tinignan si Clyde, di ako pwedeng mag-eskandalo dahil ang alam ng lahat ay tinulungan ko lang si Clyde sa mga