The Youngest Tycoon's Bride

ELYSSE POV

May nagpadala sa akin ng email na naglalaman ng compilation ng pagtataksil ng asawa kong si Kyle. Ang ilan sa mga pag-uusap ay mula pa noong tatlong taon na ang nakalilipas. Makikita roon ang pakikipagpalitan niya ng mga mensahe sa ilang babaeng nag-bibigay aliw kapalit ng salapi.

"Have fun reading, Elysse Diaz." Iyon ang nakasulat na caption sa email.

Halos gumuho ang mundo ko nang malaman kong ilang taon na pala akong niloloko ni Kyle. Hindi ko man lang ito nalaman o nahalata dahil kapag magkasama kami ay maayos naman katulad sa mga normal na mag-asawa.

Nakatala roon ang mga petsa at oras ng pakikipagtalik niya sa iba't ibang babae. May mga video rin na nagsisilbing ebidensiya ng kanyang pagtataksil. Inisa-isa kong tinignan ang mga screenshot ng pakikipagusap niya sa iba't ibang babae.

"Ang sarap mo kanina, walang kupas! Iba talaga ang sarap kapag asawa ng iba." Message ‘yon ng isang babae na may pangalang Angel.

Nanikip ang dibdib ko nang mapansin ko na ang nasa timestamp ay ang araw bago ang birthday ko. Nag-celebrate pa kami noong araw na iyon, na para bang walang nangyayari sa likod ko.

"Gusto mo ng eighteen? Magugustuhan mo ang performance no'n. Bibigyan ka namin ng discount." Isa pang babae na may pangalang Yumi, Mensahe iyon mula kay Yumi, isa sa mga babaeng nag-aalok ng mga bayarang babae sa asawa ko.

"Wala bang mas bata? 'Yung below eighteen kung meron." Iyon ang nireply ng asawa ko sa babae.

Ito naman ang araw na hiniling kong samahan niya ako sa prenatal checkup matapos kong malaman na buntis ako. Ngunit hindi niya ako nasamahan dahil inimbitahan daw siya ng mga kasamahan sa trabaho na uminom. Hindi ko akalaing ganito pala ang tunay na pagkatao ng lalaking pinakasalan ko.

"Mahal, kailan mo ba ipa-file ang divorce papers Ninyo ng asawa mo? Two years na tayo. Ayoko nang maging kabit mo lang." Message mula sa babae na S lang ang nakalagay.

"Don't worry, Mahal. Medyo mahirap lang na mag-file ng divorce papers pero alam mo naming ikaw lang ang laman ng puso ko. Hindi ko kayo pababayaan ng anak mo dahil itinuring ko na rin siyang sarili kong anak."

Ang huling message naman ay mula dalawang linggo na ang nakalipas, pagkatapos niya akong samahan sa pagpapatingin sa OB-GYN. Para pa ngang napilitan lang siya. Kung hindi pa ako nagalit at nagtampo, hindi niya kusang maiisip na samahan ako.

Nangingilid na ang mga luha ko habang nanginginig sa galit sa lahat ng mga nabasa ko sa inisend sa akin. Hindi ko alam kung sino ang nagpadala dahil mukha itong spam na may random letters at number sa email address.

Pinatay ko na ang screen ng smartphone ko at humiga sa kama. Ngayon din ang unang araw ng tatlong araw nilang outing sa trabaho, na kamakailan lang niya ipinaalam sa akin. Lalo akong kinabahan. Paano kung hindi naman talaga outing ang pinuntahan niya?

Napakasakit. Hindi ko na alam kung anong magiging kinabukasan namin ng magiging anak ko. Hindi ko rin alam kung paano ko siya kukumprontahin. Sana, kayanin kong ayusin ang lahat pagbalik niya.

Ipinatong ko ang palad ko sa tiyan at marahang hinaplos nang paikot, umaasang mapanatag ang batang dinadala ko. Nag-aalala akong baka makaapekto sa akin at sa ipinagbubuntis ko ang matinding stress. Pinili ko na lang na kumalma, lalo na't maselan ang pagbubuntis ko. Ipinikit ko na lang ang mata ko para makatulog.

After two days, bigla akong nakaramdam ng matinding pananakit sa puson. Hindi normal na sakit na parang may kakaiba lang na nakain. Parang may humahalukay sa matress ko sa sobrang sakit. Nang mapansin ko ang matinding pagdurugo, tumawag na ako ng ambulansya.

Pagkasakay ko sa ambulansya, paulit-ulit kong sinubukang tawagan si Kyle. Kailangan niyang malaman ang nangyayari sa akin, ngunit kahit ilang beses akong tumawag ay hindi ko pa rin siya makontak. Kaya nagiwan nalang ako ng message para mabasa niya kapag nagkaroon siya ng oras.

"Sorry, Misis. Wala na po ang batang dinadala niyo."

Halos gumuho ang mundo ko nang marinig ko sa doktor ang balitang iyon.

“Wala na...?” mahina kong tanong habang hawak ang tiyan ko.

Tama ba ang narinig ko?

Nawala na raw ang magiging anak ko. Wala na ang batang ilang linggo kong iningatan sa loob ko. Ang batang iniisip ko na ang magiging mukha, pangalan, at ang buhay na bubuuin namin ni Kyle.

Tinawagan ko ulit si Kyle, ngunit hindi ko na siya makontak. Posibleng pinatay niya ang cellphone niya o wala siyang signal. Nagpadala ako sa kanya ng message tungkol sa nangyari sa anak namin at sinabi ko rin kung saang ospital ako naka-confine.

Lumipas ang ilang oras, ngunit wala pa rin siyang sagot sa mga message ko. Kinabukasan pa naman ang balik niya mula sa outing kaya umaasa akong pupuntahan niya ako sa ospital pag-uwi niya.

Kinailangan kong manatili sa ospital nang dalawang araw upang mabantayan ng mga doctor ang kalagayan ko matapos ang matinding pagdurugo.

Kinabukasan ay nakita kong nabasa na niya ang huling message ko ngunit hindi pa rin siya dumadalaw sa akin kahit alam kong sa mga oras na ito ay nakauwi na siya mula sa outing.

Na-discharge na lang ako nang hindi man lang dumalaw o tumawag sa akin si Kyle.

Pagdating ko sa bahay, nadatnan ko si Kyle na nakaupo sa couch, May isang babae na nakasuot lang ng underwear at nakapatong sa kaniyang kandungan, nakaharap sa kaniya. Lumingon silang pareho sa p***o nang marinig na may pumasok.

Hindi ko alam kung ano ang magiging reaksiyon ko sa nasaksihan ko. Nanghihina pa ako matapos ang pananatili ko sa ospital at nagluluksa sa anak ko. Ngunit ngayon, nadatnan ko mismo ang asawa kong nangangaliwa.

"Oops. We caught on act." Nakangising sabi ng babaeng kasama ni Kyle.

Hinawi ng babae ang buhok na tumabing sa mukha niya. Dahan-dahan siyang tumingin sa akin at ngumiti nang mapang-asar nang magtama ang aming tingin.

"Ikaw…?" Laking gulat ko nang makilala ang babae na nasa harap ko.

Lumingon din si Kyle. Wala akong nakitang pagsisisi sa mukha niya na para bang wala siyang pakialam kahit nahuli ko silang dalawa sa akto.

"Surprise." Napatawa ang babaeng na tila ba’y natutuwa sa pagkagulat ko.