Chapter 9

Elona's POV 

Maaga akong nagising upang mag handa sa unang araw ko sa klase ngayon, ala-singko palang ng umaga ay gising na ako.

 Siguro masyado lang akong kinakabahan, syempre, pagkatapos ng mahaba-habang panahon ngayon lang ulit ako makakapag-aral.

Balak ko ring ipagluto ng adobong manok si Kairo. Hindi parin ako komportable sa kanya pero ito lang ang paraan upang makabawi naman ako sa kabutihan na ginawa niya.

Unti-unti kong hinarap ang aking sarili sa salamin nitong banyo. Napahawak na lang agad ako sa aking leeg dahil parang may napapansin akong maliit na parang nunal doon malapit sa aking kanang teynga.

'Kailan pa ako nagkaroon ng nunal rito?' Nagkibit balikat nalamang ako at itinuloy ang pag-aayos ng aking sarili. 'Baka nariyan na yan dati pa ngayon ko lang na pansin.'

"Ganito ba talaga uniporme nila dito? Nakakahiya naman kung ganito ang aking suot, masyadong kita ang hubog ng katawan ko." saad ko sa aking sarili sabay pasada ng tingin sa aking kabuuan.

Ang aking uniporme kasi na pang itaas na kulay puti ay naka tuck-in ito sa aking pang ibabang palda na kulay uling dahil sa kaitiman nito.

Habang ang k'welyo naman nitong uniporme ko ay may ribbon itong kulay pink at dahil sa kaliitan narin ng aking palda na hanggang ibabaw lng ng aking tuhod, nalalantad ang kaputian ng aking balat.

'Ako ba talaga 'to?' Tanong ko sa aking isipan. Dahil kasi sa suot ko ngayon na uniporme ay halos hindi ko na makilala ang sarili ko.

****

Naglalakad na ako sa hallway ngayon habang hindi ko maiwasang pababain ang aking palda gamit ang aking kaliwang kamay dahil na rin sa nakakahiya.

Hindi kasi talaga ako komportable sa mga ganitong pananamit.

Hindi ko rin maiwasang mapayuko na lamang habang naglalakad dahil sa mga maiinit na mga titig na nakukuha ko mula sa mga estudyante na naririto.

"Wuy p're, sabi ko sa'yo hot 'yan, eh."

"Oo nga pare 'di bale p're, pa aamuhin ko 'yan." saad na naman no'ng isang lalaki sabay tawa nila ng napakalakas. 

"Grabe porket transferee? Crush agad ng boys? Gosh, para nga siyang manang." maarteng saad no'ng babaeng napaka pula ang pisngi. Nakita ko namang napangiwi kaagad ang katabi nitong babae sa sinabi niya.

"Maganda siya. You're just jealous because you're insecure." sarkastikong sabi no'ng babae at pinag diinan pa 'yung salitang huli niyang binaggit sa katabi niya. Sabay alis na nito sa hallway. 

Huminga muna ako ng malalim bago pumasok sa magiging classroom ko at kumatok sa pintuan. Nakita ko naman ang pag baling ng atensyon ng guro sa aking direksyon.

"Are you the new student? Come-in." sabi ng aking magiging guro na lalaki at sa tingin ko ay nasa 30's na ito. Tumango lamang ako at dahan-dahan na nag-lakad patungo sa harapan. Napatingin naman agad silang lahat sa akin dahilan upang kabahan ako.

"I'm your Philosophy teacher, Mr. Ramond, and you miss?" magalang na sabi ni sir Ramond sa akin.

"Ahem!" panimula ko dahil kinakabahan talaga ako hindi ako sanay sa ganitong atensyon, "A-Ako nga pala si Elona Del Santiago, pero tawagin niyo na lang akong EL." maikling saad ko sa kanila.

"Wow, ang ganda niya."

"A lame new student again? Aww com'on, paano 'yan nakapasok dito? It's too obvious that she came from a poor family." 

"What a hassle."

"Okay class, that's enough!" sigaw ni Mr. Ramond dahilan upang matigil sila sa kanilang pagbubulungan.

"Pwede ka nang umupo Miss. Santiago," May ngiting saad ni Sir Ramond sa akin, sabay turo niya sa upuan na nasa pinaka dulo malapit sa bintana. Tumango na lang ako at binalewala ang mga matatalim na titig na ipinupukol ng mga kaklase ko sa akin.

****

Recess na ng matapos ang aming leksyon sa Philosopy. Mabuti na lang at tagalog 'yong ginagamit na salita ni Sir Ramond. Sa pagkaka-alam ko kasi, Ingles talaga dapat 'yon. 

Siguro...dapat mag paturo na lang ako kung nasaan 'yung silid aklatan nila dito, para naman kahit kaunti ay makasabay ako sa leksyon nila.

Habang nakatuon ang aking atensyon sa pagliligpit ng aking mga gamit ay bigla na lang may sumulpot sa aking harapan na isang babae dahilan upang mahulog ang lahat ng aking gamit sa sahig dahil sa gulat.

"Ay kabayo!" gulat na saad ko. 'P-Paano siya nakarating sa harapan ko?'

"Hala! Sorry, na gulat ba kita? Sinasanay ko pa lang kasi ang teleportation ko kaya kung saan-saan ako sumusulpot pasensya na." Nahihiyang saad niya sa akin sabay pulot niya ng aking mga gamit sa sahig. 

Natauhan na man agad ako at tinulungan ko na rin siya, "Okay lang, walang problema." May ngiting turan ko sabay lagay ko na ang aking mga gamit sa bag.

"Ngunit ano'ng teleportaion ang tinutukoy mo? Isa rin ba 'yan sa mga subject natin?" tanong ko sa kanya. Nangunot naman kaagad ang noo nito dahil sa tanong ko.

"Subject? Hindi ah, 'yun 'yung--" hindi na niya natapos ang gusto niyang sabihin ng bigla na lang siyang napatingin sa aking likuran at bigla na lang nanlaki ang mata niya na para bang nakakita ito ng multo.

Nagtatakang napa lingon naman kaagad ako sa aking likuran. 'Wala naman? Ano ba'ng tinitingnan niya?' Sabay harap ko ulit sa kanya.

'May nakikita ba siyang hindi ko nakikita?' Pero imposible naman 'yon, ano 'yon? Invincible?

"Okay ka lang?" nag-aalalang tanong ko sa kanya pero isang malapad na ngiti lamang ang aking natanggap mula rito. Napangiwi naman agad ako dahil sa kanyang reaksyon. Ano ba ang nangyayari sa babaeng 'to?

"Okay lang ako, nabasa ko lang kasi sa isang kuwento ng mga witches, na marunong daw silang mag-teleporatation. Mahilig akong magbasa nun eh." Mahabang eksplenasyon niya pa sa akin, sabay wasiwas niya ng kanyang kamay na para bang ma-nga-nga-rate ito ng tao." naiilang naman akong napatawa. 

"Ahh, 'yun lang pala," saad ko pabalik sa kanya. Habang ito naman ay parang hindi parin mapakali sa kanyang kinatatayuan.

Nagulat na lang ulit ako ng biglaan na lang niyang tinanong ang aking pangalan, "Ano pala name mo?" may ngiting tanong niya sa akin.

"Ako si Elona Del Santiago." sagot ko kaagad sa tanong niya. Dahilan upang mawala ang ngiti sa mga labi nito. 'May nasabi ba, ako?'

Ano ba'ng nangyayari sa mga tao dito? May mga sakit ba sila na hindi ko nalalaman? 

"Elona?" wala sa sariling banggit niya, "Oo?" hindi ko rin siguradong sagot sa kanya. Nag-aalalang binalingan ko siya ng tingin.

"Okay ka lang?" tanong ko ulit sa kanya dahilan upang parang mapangiti lamang siya ng pilit. Masyado itong halata sa kanyang mukha, alam ko 'yon. Ano ba talagang meron sa pangalan ko?

"Okay lang naman a-ako, h'wag kang mag-alala." sabi niya sa akin na parang wala parin ito sa kanyang sarili. Ipinagpatuloy ko na lang din ang pagliligpit ng gamit ko. 

"Kaya pala sinusundan..." rinig kong biglaang saad ng babae kanina, dahilan upang mapabaling agad ako ng tingin sa kanya.

"Ha? Anong sabi mo?" tanong ko sa kanya sabay sukbit ko ng aking bag sa magkabilaan kong mga balikat. May sinabi talaga siya eh, hindi ko lang narinig ng maayos.

"W-Wala, sige mauna na muna ako sa'yo EL." Nagmamadaling saad niya at umalis na agad sa classroom. "Sandali--" Sayang hindi ko man lang natanong kung anong pangalan niya. 

Medyo natatakot na din ako sa lugar na ito...napaka misteryoso nang mga tao na nandito. Jusko, maghunos dili ka, El. Kakainin ka na na man ng kyuryusidad mo. Sabay labas ko na doon sa classroom at dumiretcho na sa aking dormitoryo.