Kabanata 18

NAPAPANSIN ni Salome ang mga tingin ng mga kasambahay sa tuwing magsisimula siyang tumulong sa trabaho ay inuunahan na agad siya ng mga katulong. Parang ayaw siyang hayaang may gawin. Iniisip ba ng mga itong papalpak siya? Siguro dahil mamahalin ang mga gamit doon kaya natatakot ang mga ito na may outsider na nangingialam. Knowing Treous, isang mafia, mayaman, may mga baril ang mga tauhan. Pero papatay ba talaga ito para lang sa isang platong nabasag?

“Opo, Sir. Sinusubukan niya po na tumulong. Opo, Sir. Sige po.” Isang babaeng katulong ang narinig niya sa sala na may kausap. Sinusumbong yata siya sa lalaking iyon.

Mga bandang hapon nang daluhan niya ang isang babaeng may dalang tray ng pagkain. Isang baso ng gatas at sandwich ang inilapag nito sa mesa sa harap ni Daniel. May bitbit na toy truck ang bata iyon ang laruan na nabili niya. Para naman hindi ito maburyo at baka maisip pa na mangialam sa mga gamit doon.

“Salamat, ako na dito.” Ngumiti siya sa katulong na pormal lang na