Chapter 48

Pagkatapos maligo ni Ciara ay lumabas agad ito ng kwarto, alam niyang pumasok si Aiden dito dahil narinig niya ang pagbukas ng pinto, hinintay niya lang na tuluyan na itong makalabas. Pagkatapos nilang magkasagutan kanina ay iniyak na lang niya ang sakit na nararamdaman sa binitawang salita ni Aiden sa kanya.

Naupo siya sa gilid ng kama at hinaplos ang buhok ng kanilang anak na si Sierra, masaya siya dahil alam niyang masaya na ito na kasama ang kanyang ama. Hindi niya lang alam kung paano ipapaliwanag ang sitwasyon nila ni Aiden dahil bata pa ito at hindi pa gaano nakakaintindi.

Nakapagdesisyon na siya, ilang beses niya itong pinag isipan ng mabuti at kahit na nahihirapan siya ay gagawin niya. Siguro nga ay tama si Aiden na umalis na siya sa pamamahay ng binata dahil ayaw na siya nitong makasama pa. Mahirap sa kanya gawin ang bagay na 'yon dahil hindi niya kayang iwan ang kanyang anak, pero kagaya nga ng sabi ni Aiden ay hindi niya ito pababayaan.

Kailangan niya munang magpalayo la