Kabanata 6

“Miss Young, nandito ka ba para kausapin ako…”

Bumati ng sobrang bait si Brody na parang isang aso na kumakawag ang buntot, ngunit hindi siya lumuhod at dinilaan ang paa ni iris.

Hindi man lang tumingin si Iris kay Brody at tumingin lang siya kay Leon. Sa sandali na makita niya si Leon, may lumabas na pag asa sa kanyang malamig at magandang mukha.

Ginawa niya ang lahat para hanapin si Leon kagabi, dahil naniniwala siya na buhay pa rin si Leon!

Hindi pa pwedeng mamatay ang lalaking ‘yun pagkatapos siya nitong hipuan.

Determinado niyang ginamit ang mga tauhan ng mga Young nitong umaga para makuha ang bawat detalye tungkol kay Leon. Sa huli ay natuklasan niya ang tungkol sa plano ni Leon na idivorce si Marilyn.

Dahil dito, agad siyang pumunta sa Civil Records Office para malaman kung mahahanap niya si Leon.

Tama nga siya, may nakita siyang kamukha ni Leon na nasa sahig habang niyayakap nito ang ulo nito. Hindi malinaw na nakita ni Iris ang itsura nito, at hindi niya ito makumpirma kung ito nga ang hinahanap niya!

Ang dalawang mga bodyguard ay tumigil sa pangbubugbog kay Leon dahil nandito si Iris.

Tumingala si Leon pagkatapos niyang mapansin na may nagbago sa paligid. Ang kanyang unang nakita ay ang malinaw na mga mata ni Iris na puno ng emosyon.

“Iris? Ikaw!”

Tumayo ng nalilito si Leon dahil hindi niya inaasahan na makita agad si Iris.

Tumingin si Iris kay Leon ng may kakaibang ekspresyon. Kahit na emosyonal siya, may parte sa sarili niya na gustong pigilan ang mga emosyon na ito. Gusto niyang pagalitan ang lalaking ito dahil sa panghihipo sa kanya, ngunit hindi maitatanggi na niligtas nito ang buhay niya.

Sa huli, nanginig ang katawan ni Iris, umagos ang luha sa kanyang mga mata na parang ilog.

Hindi na niya mapigilan ang kanyang mga emosyon, at yumakap siya kay Leon.

“Umm…”

Natulala si Leon.

Natulala rin sina Brody, Marilyn, at Helen sa kanilang nakita.

Natulala din ang lahat!

Hindi nila inaasahan na si Iris—ang babae na rank one sa apat na most beautiful women sa Springfield City—ay yayakapin ang walang kwentang lalaking ito!

Nakakagulat ito!

Bukod pa dito, marami sa mga tao sa paligid ay itinuturing si Leon na isang walang kwentang tao pagkatapos agawin ni Brody ang asawa nito, awa at panlalait lang ang meron sila para kay Leon.

Ngunit, baliktad na ito ngayon, at nagkamali sila!

Ang lalaki na itinuturing nila na walang kwentang basura ay nakuha ang puso ni Iris, ang number one diyosa na gusto ng lahat ng lalaki sa Springfield!

Tumingin sila kay Leon ng may pagseselos at gusto nilang patayin ang lalaking ito!

Kung kayang pumatay sa isang tingin, 10,000 beses nang namatay si Leon!

Nang bumalik si Leon sa sarili niya, agad niyang tinanggal ang yakap ni Iris at sinabi niya, “Iris? Ano ang ginagawa mo dito?”

“Nandito ako para sayo…”

Medyo namumula ang magandang mukha ni Iris, ngunit sa oras na makita niya na may tumutulong dugo sa bibig ni Leon, tumigil siya sa pag iisip tungkol kay Leon. Tinaas niya ang kamay niya para hawakan ang sugat sa sulok ng bibig ni Leon, at ang magandang mukha niya ay naging malamig. “Paano ka nagkasugat dyan, Leon? Sino ang nanakit sayo?”

“‘Yun ay…”

Napatingin si Leon kay Brody.

“Ikaw ang gumawa nito, Brody?”

Nagalit si Iris at tumingin siya ng malamig kay Brody.

Inimbestigahan niya ang mabuti ang background ni Leon at alam niya na ang asawa ni Leon na si Marilyn at pinagtaksilan siya dahil kay Brody.

Sinira ni Brody ang kasal ni Leon at tinatkot niya itong patayin!

Walang hiya talaga ito!

Nanginig si Brody, at lumapit si Marilyn bago pa siya makasagot.

“Sino ka ba sa tingin mo? Walang hiya ka para kausapin ang asawa ko ng ganito! Kilala mo ba siya? Siya ang eldest young master ng Sullivan Enterprises!” Ang galit na sinabi ni Marilyn.

Hindi niya pa nakita si Iris dati at wala siyang ideya kung sino si Iris.

Ang alam niya lang ay may laban si Iris sa itsura niya, sa punto na napapalingon ang mga tao sa pagdating ni Iris.

Nagselos si Marilyn at hindi siya natutuwa.

“Ikaw ba ang asawa ni Leon, si Marilyn?”

Agad na ngumiti si Iris at agad niyang nahulaan ang pagkakakilanlan ni Marilyn.

“Ako nga! Asawa niya ako noon! Nakipag divorce na ako sa kanya! Isa siyang walang kwentang pulubi, at base sa pag yakap mo sa kanya na para bang siyang isang kayamanan, walang kwenta ka rin siguro tulad niya!”

Ngumisi si Marilyn, ngunit bago pa siya magpatuloy, sinampal siya.