Kabanata 7

Ang malutong na sampal ay tumunog sa buong opisina pagkatapos itaas ni Iris ang kamay niya para bigyan si Marilyn ng isang malakas na sampal.

“Ah, walang hiya ka para sampalin ako!”

Hinawakan ni Marilyn ang mga pisngi niya. Ang mga mata niya ay namula sa galit habang sinugod niya si Iris ng may masamang balak.

Mabilis kumilos si Iris at sinampal niya ng backhand si Marilyn sa kabilang pisngi.

Hindi tanggap ni Marilyn na ipahiya siya ng ganito. Napaatras siya at nireklamo niya kay Brody, “Darling, sinampal ako ng p*ta na ito! Bigyan mo ako ng hustisya!”

“Mukha mo, hustisya!”

Galit na sinampal ng malakas ni Brody si Marilyn at bumagsak ito sa sahig.

Nabigla si Marilyn sa sampal at tila hindi siya makapaniwala. “Sinabi ko sayo na sampalin mo siya! Bakit ako ang sinampal mo?”

“Para sayo ang sampal na ‘yun! Kilala mo ba kung sino siya?” Ang galit na sinabi ni Brody.

Nabigla si Marilyn at napagtanto niya na nagkamali siya.

Ang mga Sullivan ay isang bago at sikat na mayamang pamilya sa Springfield City. Second-rate ang kapangyarihan nila, at ang impluwensya nila ay mababa pa ng sobra kumpara sa isang first-rate na pamilya na tulad ng mga Young.

Kahit ang tatay ni Brody ay hindi pwedeng galitin si Iris kung nandito siya!

“‘Wag mo sana itong seryosohin, Miss Young. Isang maling pagkakaintindihan lang ito…”

Mabilis na yumuko at ngumiti si Brody para humingi ng tawad.

“Maling pagkakaintindi? Wala akong nakikitang ganun!”

Ngumisi si Iris, pagkatapos ay inutusan niya ang maraming mga bodyguard, “Inapi ng mga taong ito ang kaibigan ko, Lou. Pwede mo ba silang turuan ng leksyon para sa akin? Titigil ka lang kapag sinabi ko!”

“Masusunod po!”

Ang mga bodyguard ay sinunod ang inutos sa kanila at agad nilang pinalibutan si Brody at ang dalawang bodyguard nito.

Si Marilyn ay isang babae, kaya naghihingalo na agad siya pagkatapos siyang sampalin ni Iris ng dalawang beses.

Kaya naman, nagdesisyon si Iris na hindi na pahirapan pa si Marilyn.

Ngunit, hindi nakaligtas sina Brody at ang dalawang bodyguard. Pinalibutan sila ng anim na mga bodyguard ni Iris habang sinuntok at sinipa sila ng mga ito ng walang awa!

“Miss Young, napagtanto ko na ang pagkakamali ko. Pakiusap, pagbigyan mo ako…”

Paulit ulit na sumigaw si Brody. Niyakap niya ang mga tuhod niya na parang isa siyang bola, tinakpan niya ang ulo niya, walang tigil siya sa paghingi ng tawad.

“Bakit ko sasabihin sa mga tauhan ko na tumigil sila, ngayon at hindi ka nagpakita ng awa kay Leon kanina?”

Suminghal ng malamig si Iris habang nagsalita siya ng may galit at lamig sa kanyang boses.

Mas lalong naging walang awa ang mga bodyguard!

Natikman ni Marilyn ang kalupitan ni Iris, kaya nagawa niya lang na tumayo sa tabi ni Brody habang takot siyang lumapit at pigilan ang pambubugbog ng mga bodyguard ni Iris kay Brody.

“Kung isang lalaki ka, bakit hindi mo ako lapitan sa halip na nagtatago ka sa likod ng isang babae!”

Ang galit na sinabi ni Marilyn kay Leon, at tumingin naman sa kanya ng malamig si Leon.

Gayunpaman, lumapit pa rin siya sa tabi ni Iris at sumenyas siya kay Iris para tumigil ito. “Pwede mo na sabihin sa kanila na tumigil, Iris. Nagpapasalamat ako sa ginawa mo, kaya itigil mo na ito…”

Tumingin si Iris sa ekspresyon ni Leon at agad niyang naintindihan ang kahulugan ng determinasyon sa tingin ni Leon. Naisip niya na gusto ni Leon na personal na maghiganti sa susunod, at ayaw nitong umasa sa kanya para makamit ito.

Tama ang hula niya, at ang mga salita ni Marilyn ay isang suntok sa pride ni Leon.

Ang kahihiyan na naranasan ni Leon ngayong araw ay habang buhay na mauukit sa alaala niya, ngunit umaasa pa rin siya na siya mismo ang magtatanggal ng kahihiyan na ito sa darating na panahon.

Mawawalan siya ng pagkakataon na patunayan ang sarili niya kung umasa siya kay Iris na maghiganti para sa kanya.

“Maswerte kayo ngayong araw! Hahayaan ko kayo ngayon para kay Leon!” Suminghal ng malamig si iris, pagkatapos ay tumalikod siya at ngumiti siya kay Leon. “Maraming bagay na gusto kong pag usapan natin. Sumama ka sa akin.”

Tumango si Leon. Hindi man lang siya nag abala na tumingin kay Marilyn habang sumakay siya sa kotse kasama si Iris.

Sa tunog ng makina ng kotse, ang nakakatakot ngunit marangya na Rolls-Royce ay umalis na.

Samantala, ang Porsche ni Brody ay hindi na mukhang marangya kumpara dito.

“Lintik! Paanong ang isang walang kwentang lalaki na tulad ni Leon ay nakuha ang isang babae na tulad ni Iris? Sumisiping ba siya kay Iris noong hindi siya umuwi kagabi?”

Galit na pumadyak sa sahig si Marilyn.

Kahit na walang duda na si Marilyn ang nakipaghiwalay kay Leon, pakiramdam niya na hindi siya nararapat para kay Leon nang dumating si Iris.