Chapter 37

Chapter 37: Truth

Kaagad akong napabalikwas ng bangon at nagtungo sa banyo nang bigla na namang bumaliktad ang sikmura ko. Saka ako sumuka ng wala namang lumalabas sa aking bibig kundi purong tubig hanggang sa maging laway na lamang ito.

Matapos magmumog ay nanghihina akong bumalik sa kama at muling nahiga. Sakto namang may kumatok sa pinto ng inuukupang kuwarto namin ngayon ni Fellice dito sa private beach resort ng pamilya Lastra.

Kaagad kaming lumuwas dito kagabi dahil masiyadong nasabik ang baliw kong kaibigan sa kaniyang magiging birthday party. Kailangan daw masiyahan ang lahat ng bisita niya kaya siya mismo ang mag-aasikaso sa mga dekorasyon at pati sa catering.

"Pasok, bukas 'yan. . ." pagbibigay permiso ko sa kung sino man ang nasa labas ng pintuan nang makailang beses na ito sa pagkatok.

Nang bumukas ang pinto ay iniluwa niyon ang preskong mukha ni Y