CHAPTER FORTY SEVEN

Nasa kalagitnaan ng meeting si Hellios ng tumawag ang guard sa subdivision kung saan sila nakatira ni Santina. Napatayo kaagad siya sa upuan at tumakbo palabas ng conference room. Nasa Hotel sila ngayon para sa mga new investors kasama ang ama niya na dumalo rin. Kaagad niyang tinawagan ang mga bodyguard ng ama niya nang matanggap ang balitang lumabas ng subdivision si Santina kasama ang anak niya na may dala-dalang isang malaki na duffle bag.

Walang problema sa kanya kung lumabas ang mag-ina niya paminsan-minsan. Ang hindi lang niya maintindihan ay kung bakit kailangan pa nitong magdala ng duffle bag na para bang hindi na ito babalik sa bahay nila.

Gusto lang naman sana niyang kausapin si Santina sa oras na makita niya ito. Pero bumangon ang galit niya ng mapag-alaman mula sa mga inutusan niya na kinuha daw ang mag-ina niya ng isang hindi kilalang lalaki. Wala naman ibang mangangahas na tumulong sa mag-ina niya k