CHAPTER 93

     NAITAKIP ni Martin ang isang kamay sa mukha nang masilaw siya sa napakaliwanag na ilaw mula sa paparating na sasakyan. Huminto iyon sa tabi niya. Pilit niyang inaninag kung sino ang sakay no’n ngunit dahil sa tinted ang salamin ay hindi niya makita ang loob ng sasakyan.

Kanina, nang magising siya at malamang wala pa rin si Milagros sa bahay ay hindi na siya nagdalawang-isip pa na puntahan ito sa bahay ni Valentina. Ang usapan nila ay isang oras lamang itong mawawala pero inabot na ito ng madaling araw ay wala pa ito sa bahay. Naglakad siya mula sa bahay hanggang sa bahay ni Valentina dahil wala nang bumabyahe sa lugar nila ng ganoong oras na tricycle at jeep.

Bumukas ang pinto ng sasakyan sa may driver’s seat at bumaba mula roon si Valentina. May pagtataka ito sa mukha. “Martin? Ikaw ang asawa ni Milagros, `di ba? Anong ginagawa mo sa harapan ng bahay ko ng ganitong oras?” tanong ng babae sa k