Kabanata 87.1

Maaga na papunta ngayon si Colton Mijares sa palasyo ng mga Altamirano. Ipinatawag siya ni Haring Alfonso at ngayon ang araw na nakatakda nila na pag-uusap. Kasama niya si Elon dahil ang kan’yang kapatid na si Prinsipe Aldrick ay may pagpupulong na pupuntahan.

Hindi na gaya sa una nila na paghaharap ay wala na ang kaba na nararamdaman si Colton. Ang nasa isip niya ngayon ay ito na ang pagkakataon niya upang mapatunayan ang kan’yang sarili sa ama ni Atasha. At nais niya na magtagumpay sa pagkakataon na ito.

Habang nasa sasakyan ay panay ang isip ni Colton kung ano ang nais na sabihin sa kan’ya ng hari at kung ano ang mga posible na maitugon niya. Isa lamang ang sigurado siya, isang tumataginting na hindi ang isasagot niya oras na hilingin sa kan’ya ng ama ni Atasha na hiwalayan ang prinsesa.

Nang makapasok ang sasakyan sa malawak na lupain ng palasyo ng mga Altamirano ay naghanda na si Colton. Hindi niya rin sigurado kung alam ng prinsesa ang pagdating niya ngayon o hindi. Ang sabi l