Kabanata 88

Masaya ako ngayon na natanggap na ng pamilya ko si Colton. Akala ko talaga na magkakaproblema pa kami sa mga magulang ko. Kaya labis ang tuwa na nararamdaman ko nang maging maayos na ang lahat.

Kahapon ay nanatili pa rin si Colton sa palasyo ng Laureus kahit na naging maayos na ang lahat sa pagitan nila ng aking ama. Kinailangan niya na muna na mamalagi roon upang makasama ang kapatid niya na si Prinsipe Aldrick at pormal na makapagpaalam kay Haring Alarick.

Ngayon ang araw na muli siya na babalik sa aming palasyo. Dahil ilang araw din namin siya na hindi nakasama at nagkakasya na lamang kami sa mga pagtawag sa telepono ay sabik na sabik na ako na muli siya na makita.

Iba pa rin ang halos buong araw ko siya na nakakakasama at nakikita simula pagmulat ko hanggang sa aking pagtulog. At sa sobrang pagkasabik namin ng kambal sa pagbabalik niya ay rito namin sa hardin naisipan na hintayin siya.

Masaya na naglalaro ang dalawang bata habang ako naman ay nakamasid lang. Hinihintay namin a