TMST 11 - Sacred Ritual

"Miss Lucky, may tanong ako."

"Ano 'yon?"

"Pero sana huwag kayong magagalit. Although, pwede niyo namang hindi sagutin."

"Sige. Ano ba 'yon?"

"Paano kayo nagkaroon ng Genophobia?" Nasa byahe sila ni Maya, pauwi na sila galing airport sakay ng booked service, hinatid nila si Genesis sa airport. Masakit para sa kanya ang pag-alis ng matalik na kabigan, ngunit gusto niyang makita sa huling pagkakataon si Genesis.

Hindi agad sumagot si Lucky sa tanong ni Maya. Tumagos ang tingin niya sa labas ng bintana sa likod ng assistant. Saan nga ba nagsimula ang takot niya sa s*x? "Lumaki ako sa pangangalaga ng lolo ko. Kasama kong tumira sa bahay niya ang mga pinsan ko. Busy kasi ang parents namin sa negosyo ng pamilya." Tipid ang ngiti ni Lucky nang maalala ang kabataan niya.

"Isang relihiyosong tao ang lolo ko at bata pa lang nakatatak na sa isipan naming magpipinsan na ang pakikipagtalik ay regalo ng diyos para ma-enjoy ng mag-asawa. Lahat kami ng pinsan ko ay sa isang Christian all girls