TMST 45 - Present; Can Always Make Baby

Present…

"I'm not sure," nahihiya na tugon ni Lucky. Iyon ba ang totoong nangyari? Ngunit wala siyang matandaan sa mga sinabi ni Genesis. Sigurado si Lucky na si Genesis ang lalaking iyon, pero hindi niya maalala ang lahat ng naganap nang gabing iyon.

'Hindi mo matandaan, o ayaw mo lang tandaan dahil natatakot kang tanggapin ang katotohanan na sa inyong dalawa, ikaw talaga ang may kasalanan at hindi si Genesis?'

Mariing kinagat ni Lucky ang ibabang labi nang kastiguhin siya ng sariling isip. Ang sama niya pala kay Genesis. Pinagbintangan niya ito, at dahil ayaw nitong nakikita siyang paranoid, tinanggap na lang nito ang maling mga paratang niya.

"Lucky…"

Nagising mula sa malalim na pag-iisip si Lucky nang marinig ang mahinahon at malambing na tawag ng kaibigan sa kanya.

Nag-angat siya ng tingin sa binata. "Y-yes?"

"Why did you kiss me?" gulong-gulo na tanong ni Genesis.

"..."

"It's fine. You don't have to answer if you don't want to," ani Genesis nang hindi nagsalita ang dalaga. Ngumi