CHAPTER 69

Pilit inaabot ni Kaizer ang kamay ng kan'yang asawa. Nasa hospital sila at kapwa nakahiga sa stretcher. Walang malay si Kryzell dahil sa tindi ng impact na tinamo ng sasakyan nila. Kapwa sila duguan at puno ng sugat ang katawan. Ang driver nila ay hindi na umabot ng hospital.

"Please, ilapit n'yo lang ako sa asawa ko," pakiusap ni Kaizer sa mga nurse at doktor. 

Agad naman siyang sinunod ng mga ito. Habang nililinis ang mga sugat niya ay hindi niya binibitawan ang kamay ng kanyang asawa. Dama niya ang init ng palad ni Kryzell na nagbibigay sa kan'ya ng lakas ng loob upang lumaban.

"Honeypie, please, huwag kang bibitaw." Pinisil ni Kaizer ang kamay ng kan'yang asawa. 

Dinig ni Kryzell ang sinabi ng kan'yang mister. Kahit pakiramdam niya ay malabo at madilim na ang lahat ay pilit niyang pinipisil din ang kamay nito. 

Nagkakagulo ang mga doktor. Pati ang mga nurse ay