Chapter 22: Talking to her bestfriend again

Nagsilaglagan ang mga luha ni Fyrah nang makilala nito ang likuran ng babaeng naghihintay sa kanya. Nasa isang private resort sila dahil doon dinala si Gail ng mga tauhan ni Cameron. Nakapiring ang mga mata ni Gail at napapalingon- lingon lamang ito sa kanyang paligid.

"G- Gail?" utal na sabi ni Fyrah.

Lumingon si Gail sa pinanggalingan ng boses ni Fyrah.

"Fyrah ikaw ba 'yan?" mabilis na sagot ng dalaga.

Napasinghot si Fyrah at tuluyan niyang nilapitan ang kanyang kaibigan. Inalis ni Fyrah ang piring sa mga mata ni Gail. Napakurap-kurap si Gail at bahagya pa nitong kinusot ang kanyang mga mata.

"Fyrah! Ikaw nga! Kumusta ka na ha? Bakit bigla ka na lamang nawala?" sunod-sunod na tanong ng dalaga.

Napangiti naman si Fyrah kahit na walang habas ang paglaglagan ng kanyang mga luha.

"Gail!" wika nito at nagyakapan silang magkaibigan.

Medyo matagal silang nagyakapan at kapwa pa napaiyak. Hanggang sa si Gail na ang bumitaw sa kanilang pagkakayakap. Pinagmamasdan ni Gail si Fyrah mula ulo han