Chapter 14: Fyrah and Cameron in one room?

After one week ay nakalabas na sina Cedie at Fyrah. Nakahinga naman nang maluwag si Fyrah dahil nananawa na siya sa amoy ng hospital kahit pa sabihing vip room ang kanilang kinaroroonan ni Cedie. Wala si Cameron na palagi naman, naisip tuloy ni Fyrah na kulang nga sa alaga at aruga ng isang magulang si Cedie.

"Welcome home, Fyrah at Cedie!" msayang wika ni Aling Felicidad sa dalawa.

Agad namang ngumiti si Fyrah.

"Salamat po!"

Ganoon din ang ibang mga katulong, masaya nilang binati sina Fyrah at Cedie sa kanilang pagbabalik.

"Wala po ba si Cameron?" tanong ni Fyrah kay Aling Felicidad nang kuhanin ni Edna si Cedie papunta sa kwarto nito.

"Malapit na raw siya, may importante lang siyang inasikaso." Sagot ng Ginang.

Tumango - tango naman si Fyrah.

"Sige po, papunta na ako sa kwarto ko."

"Sandali lang Fyrah!" pigil ni Aling Felicidad.

Napatigil si Fyrah sa paglalakad nito at muling humarap kay Aling Felicidad.

"Bakit po?"

"Pinasarado na ni Cameron ang kwartong ginamit mo. At doon ka raw s