Chapter 15

"Nagkaaminan na. Oras na siguro para ibalik na sila sa realidad, at mawala ang isa sa kanila."

"Aries," Tawag ko kay Aries bigla, kaya agad niya akong nilingon.

Kumunot ang kanyang noo at bahagyang inayos ang hibla ng buhok ko na humaharang sa mukha ko, dahil sa biglang pag hangin, "Hmm?"

Ngumiti ako at ihinilig ang ulo sa balikat niya, "Tignan mo ang paligid," sabi ko at tinignan ko ang buong lugar kung nasaan kami.

Kung noon, gustong gusto ko ng umalis sa lugar na ito, ngayon naman parang gusto ko ng manatili dito kasama siya. Madilim na nga lang, pero napakapayapa pa rin at parang walang manggugulo. Rinig na rinig mo ang mga kuliglig, ang bawat hampas ng alon sa dalampasigan. Ang malamig na hangin na humahaplos sa balat ko.

At higit sa lahat, dahil sa lalaking kasama at katabi ko ngayon

"Para tayo nag bakasyon ng napakatagal," tawang sabi