The Night Before Summer Ends (TAGALOG)

Tahimik lang akong naglalakad dito sa hallway ng University namin. Hawak-hawak ko pa ang mga libro ko at nakasuot pa ang airpods sa tainga ko. Sinusundan ko pa ng mga tingin ang mga estudyante na nag lalakad pasalubong sa akin.

"Sissy!"

Agad akong napaatras at pinanatili ang balanse ko, nang bigla ba naman akong sinunggaban ng yakap ng nag iisang matalik na kaibigan ko, dito sa University.

Walang iba kung hindi si, Hiraya Crisielda.

Kumalas siya sa yakap para tignan ako, "Ano na sis! Kumusta ka na?" Pinasadahan niya ako ng tingin mula ulo hanggang paa, "Ibang iba ka na ah. Parang kailan lang ah."

Umiling-iling ako habang nakangiti, "Alam mo naman na ang nanngyari diba," makahulugan kong sabi, at tumango naman siya.

"I heard about what happened to you before. Ayos ka na ba?" Tanong niya sa akin, at bigla akong nakaramdam ng kirot sa puso ko.

Tatlong taon na ang nakalipas, simula noong mangyari iyon, pero ang memorya ay nanatili sa isip ko. Nakaukit pa nga, sa puso ko, kaya paano ko iyon makakalimutan. Paano ko makakalimutan ang nangyari noong gabing iyon.

Naramdaman kong tinapik tapik ni Hiraya yung balikat ko, "I know you're still not okay, but I hope someday, magiging okay ka," nakangiti niyang sabi sa akin.

Sinuklian ko iyon ng tipid na ngiti, pero lumabas siya ng peke.

"So!" Maligalig na sabi ni Hiraya kaya nagulat ako, "Pasok na tayo!" Masayang sambit biya at hinatak na ako papasok sa block namin.

Pinili namin na maupo dito sa may bandang harapan lamang. Pumwesto ako doon sa tabi ng aisle, habang nasa kanan ko si Hiraya.

"Balita ko, umuwi na yung pinsan mo," rinig kong sabi ng isa sa ka-block ko na nasa may bandang likod.

"Yup, you're right. Actually last month pa siya umuwi galing Netherlands at, dito nga siya lumipat para mag aral," rinig kong sagot naman ng isang lalaki.

Nag kibit balikat nalang ako, at tinuon ang pansin sa harapan, dahil biglang pumasok yung prof namin.

"Good morning, welcome to another school year," seryosong sabi ng prof namin habang inaayos niya ang salamin niya.

Nang may marinig kaming katok sa pinto, sabay-sabay namin nilingon ito. Halos tumigil naman ang pag tibok ng puso ko, at parang bumagal ang ikot ng mundo habang nakatingin ako sa kanya.

Posible ba?

"Yes?" Tanong ng prof sa kanya.

"I'm Aries Timothy De Guia," pakilala niya sa sarili niya at dumako ang tingin niya sa akin, "I'm the transferee," dagdag niya at umiwas siya ng tingin para matignan yung prof namin.

"You may get inside."

Nang dumaan siya sa gilid ko para pumunta siya sa likod, halos mag dikit ang mga balat namin sa lapit namin sa isat isa. Ibang klase, ganon pa rin ang dating niya sa akin sa tuwing malapit siya. Ganon pa rin ang pag bilis tibok ng puso ko. Ganon pa rin ang kuryente na dumaloy sa katawan ko, pero ganon pa rin yung kirot sa puso ko.

Hindi mo na ako naaalala Aries Timothy, pero ako, tandang tanda kita.